Pavlodar qalasynda kútpegen oqıǵa oryn aldy. Kúndizgi saǵat úshterdiń shamasynda tabıǵat tosyn minez tanytyp, kún kúrkirep, naızaǵaı oınaıdy. Kenet qatty kúrkiregen kúnmen birge jolaýshylar tramvaıyna jaı túsken, – dep habarlaıdy Qamshy.kz BAQ.kz – ke silteme jasap.

Bul týraly Pavlodar qalalyq tramvaı basqarmasynyń baspasóz qyzmeti málimdedi.

Olardyń aıtýynsha «Naızaǵaı tramvaıdyń elektr qurylǵysyna túsip, ot ushqyndady. Oqıǵa ornyna órt sóndirýshiler kelip, tutanǵan órtti dereý óshirdi», - deıdi. Abyroıbolǵanda jolaýshylardyń eshqaısysy zardap shekpegen.

Dál osy ýaqytta jańbyr da tolassyz jaýyp, qala kóshelerin sýǵa toltyrǵan. Qala kóshelerin sýdan tazartý úshin 7 kólik jumyldyrylǵan.

«Bizdiń brıgada qazirgi kezde sý kóp jınalǵan jerlerde jumys jasap jatyr», - dep habarlady TKSH bóliminen.