Maqtaral aýdanynyń dıqandary bıyl ár túrli egis alqabynan mol ónimderge kenelýde -dep habarlaıdy Maqtaral Aýdan Ákiminiń baspasóz qyzmeti.

Búgingi tańǵa aýdanda 277,0 ga jerge bıdaı, 20 ga jerge arpa, 3416,0 ga jerge jańa jońyshqa, 83481,0 ga jerge maqta, 5538,0 ga jerge túrli kókónister, 23615,4 ga jerge baqsha, 753,0 ga jerge kartop, 10358,8 ga jerge dándik júgeri, 487,0 ga jerge kúnbaǵys, 2094,5 ga jerge kúrish, 158,0 ga jerge súrlemdik júgeri, 140,0 ga jerge mash, 32,0 ga jerge fasol, 8,0 ga jerge soıa, 28,6 ga jerge jańa jemis-jıdek, 58,6 ga jerge jańa júzim egilip otyr. Kóp jyldyq ekpelerdiń úlesi 8122,5 ga (onyń ishinde: eski jońyshqa 7003,0 myń ga, jemis-jıdek 474 ga, júzim ekpeleri 645,5 ga) jerdi quraıdy.
Bıylǵy jyldyń ónimine erte egilgen kókónisterden, búginge deıin: qyryqqabattan 75 108,0 tn, pıazdan 498,0 tn, sábizden 93,0 tn, asqanalyq qyzylshadan 235 tn, bolgar buryshynan 182,0 tn, qyzanaqtan 2068,0 tn, qıardan 1759,0 tn qarbyzdan 56047,0 tn, qaýynnan 17499,0 tn ónimderi alynyp, alynǵan ónimniń basym kópshiligi Qazaqstannyń barlyq óńirlerimen qatar, Reseı jáne Belarýs naryǵyna shyǵarylýda. Sonyń ishinde qazirgi tańda qaýyn men qarbyzdyń saýdasy qyzyp tur. Ásirese qaýyn ekken sharýalar qyrýar paıdaǵa kenelýde. Dıqandardyń aıtýynsha Reseı elinde qaýynǵa degen suranystyń áserinen ótken jylmen salystyrǵanda baǵa turaqty, kóńil kónshiterlik. Jeke kásipkerler jergilikti qaýyn men qarbyzdy qabyldaıtyn núktelerde qaýynnyń 1 kılogramy 100 tengeden, al qarbyzdy 25 tengeden satyp alýda. Qaýyn men qarbyz artylǵan júk kólikteriniń basym kópshiligi Moskva, Sankt-Peterbýrg, Samara qalalaryna eksporttalyp jatqandyǵy, osy qalalardaǵy suranystyń joǵary ekendigin kórsetip otyr. Ásirese egilgen qaýynnyń alýan túrli sorttarynyń ishinde dıqandar arasynda «Valet» atymen atalyp ketken túri erekshe suranysqa ıe.