Ońtústik Qazaqstan oblysynda aýyl sharýashylyǵy daqyldarynyń jıyn terim naýqany júrzilýde,- dep habarlaıdy OQO ákimdiginiń baspasóz qyzmeti.

Búginde oblysta kókónis, kartop, baqsha daqyldarynyń jıyny bastaldy. Qazirgi tańda dıqandar 350 myń tonna kókónis, 120 myń tonna kartop, 240 myń tonna baqsha ónimderin jınady. Olar ózderiniń ónimderimen elimizdiń barlyq óńirlerin qamtyp, artyq ónimderdi Reseı memleketi men soltústik oblystarǵa jóneltýde.

Agrarly aımaqta osy jyly kókónis pen kartop daqyldary jalpy 52,3 myń gektarǵa, al baqsha ónimi 59,1 myń gektar jerge egilgen.

Jospar boıynsha jyl sońyna deıin 890 myń tonna kókónis, 1,4 mln. tonna baqsha, 256 myń tonna kartop jınalady dep kútilýde.

Ekonomıkamyz aýyl sharýashylyǵyna beıimdelgen óńirde aýyl sharýashylyǵy daqylardyn ártaraptandyryp, egis, sýarmaly jerlerdiń kólemin ulǵaıtý, ónim kólemin arttyrý maqsatynda birqatar jumystar atqarylýda. Aýyl sharýashylyǵyn damytý, óńirdiń sapasyn kórkeıtip, ónimderdi kórkeıtý basty maqsat ekenin de aıta ketken jón. Bıylǵy jyl molshylyq jyly boldy.

Oblystan negizinen eksportqa: kartop, kókónis, baqsha, bıdaı, un, balyq jáne balyq ónimderi, ósimdik maıy, qus eti jáne maqta talshyqtary shyǵarylatyny barshaǵa aıan.