Ordabasy aýdanynda qańtar-shilde aılary aralyǵynda «Sybaǵa» baǵdarlamasymen 1 066 iri qara mal alynyp, berilgen tapsyrma 125 paıyzǵa oryndaldy. Bul týraly Ordabasy aýdany ákiminiń baspasóz qyzmeti habarlady.
Sharýalar «Altyn asyq» baǵdarlamasymen osy jyldyń jeti aıynda 2 myń 903 qoı alyp, jumys júrgizýde.
Sondaı-aq, aýdanǵa «Qulan» baǵdarlamasy boıynsha asyl tuqymdy 110 jylqy ákelindi.
Mal sharýashylyǵyn damytý boıynsha aýyl okrýgterde tıanaqty tirlikter júrgizilýde. Turǵyndar baǵdarlamalardyń ıgilikterin túsinip, mal asyldandyrýǵa, etti mal baǵýǵa kóptep den qoıýda.
Qaraqum aýyl okrýginiń turǵyny Ońalbaı Beıbit óz qarajatynan úıiniń aýlasynan bir mezette 35-40 iri qara mal bordaqylaý alańyn jasaqtaýda. Búginde qora-jaı qurylysy aıaqtalýǵa jaqyn. Jem-shóbi de daıyn, endi taıaý kúnderi mal bordaqylaý alańy óz jumysyn bastaıdy.

«Sybaǵa» baǵdarlamasyn júzege asyrýdaǵy maqsat - shaǵyn jáne orta bıznesti elimizdegi etti mal sharýashylyǵyn damytýǵa jumyldyrý, etti baǵyttaǵy mal basynyń úlesin arttyrý, naryqtaǵy básekelik pen ınfraqurylymdy qalyptastyrý. Etti baǵyttaǵy múıizdi iri qara malynyń eksporttyq áleýetin damytý maqsatyndaǵy baǵdarlama aýylda mal ósirip, onyń basyn kóbeıtýge nıet etken sharýa úshin zor qoldaý. Bul baǵdarlama sharýashylyqtardaǵy, jeke mal ıelerindegi jergilikti mal­dyń tuqymyn et baǵytynda asyl­dan­dyrý arqyly múıizdi iri qaranyń et ónimdiligin arttyryp, ettiń ózindik qunyn arzandatýdy, mal basyn ósirip, mal sharýashylyǵy salasynda qosymsha jumys oryndaryn ashýdy kózdeıdi.

Memlekettik baǵdarlama aıasynda mal ósirýmen aınalysatyn sharýaǵa jeńildetilgen nesıe beriledi.

http://rgmedia.kz/