Saıram aýdanynda aýyl sharýashylyǵyn damytýǵa arnalǵan «Sybaǵa», «Altyn asyq» baǵdarlamalary boıynsha asyl tuqymdy mal basy kóbeıip keledi. Bıyl aýdanda «Altyn asyq» baǵdarlamasy arqyly 400 bas usaq mal, «Sybaǵa» baǵdarlamasy boıynsha 150 bas múıizdi iri qara mal alyndy jáne 170 birlik bordaqylaý alańy iske qosylǵan.
Jalpy aýdanda ótken segiz aıda 26,0 mlrd.teńgeniń ónimi óndirilip, byltyrdyń osy merzimimen salystyrǵanda ósim 3,5 paıyzdy qurady. Mal sharýashylyǵynda 17,8 mlrd.teńge, egin sharýashylyǵynda 8,1 mlrd.teńgeniń ónimi óndirilgen. Jyl basynan 12,0 myń tonna et, 81,7 myń tonna sút óndirilip, byltyrǵy jyldyń sáıkes merzimimen salystyrǵanda ósimi tıisinshe 103,9 paıyzdy jáne 101,6 paıyzdy quraǵan. Bıylǵy jyly dándi-daqyldar 18067 gektarǵa, maıly daqyldar 7979 gektarǵa, qant qyzylshasy 39 gektarǵa, mal azyqtyq daqyldary 15111 gektarǵa, kókónis 4130 gektarǵa, kartop 3792 gektarǵa, baqsha 47,4 gektarǵa egildi jáne 230 gektar jerge jemis jıdek, júzim egilgen.
Aǵymdaǵy jyly 42 birlik aýyl sharýashylyǵy tehnıkasy alyndy. Jalpy búgingi tańda aýdan boıynsha 513,5 ga jerge tamshylatyp sýǵarý ádisi endirilgen, 8 aıda tamshylatyp sýǵarý ádisimen 5 gektar baý, 15 gektar kókónis egildi.
Aýdan boıynsha 19,5 ga jerde 79 birlik jylyjaılar jumys isteýde. 1,35 gektar jylyjaı iske qosylyp, jyldyq jospar oryndalǵan.Jyl sońyna deıin jylyjaı kólemin 1,40 ga jetkizý boljanýda.
