Yntaly aýylynyń turǵyny A.Úsenbaı aýlasyndaǵy 2 sottyq jerge qolda bar jabdyqtarmen jylyjaı qurastyryp, búginde paıdasyn kórýde. Bul týraly Ordabasy aýdandyq ákimdiginiń baspasóz qyzmeti habarlady.Kásipkerdiń málimdeýinshe, ázirge jylytý qazandyǵy ornatylmaǵan, áıtse de erte kóktemde qyzanaq egip, 2 tonnaǵa jýyq ónim alǵan. Endigi kezek qıar otyrǵyzyp, baptaý.
"4,5 gektar jerim bar. Onyń 1 gektaryna qyzanaq, 1 gektaryna baý, 1 gektaryna jońyshqa, qalǵan jerge júgeri ektim. Qyzanaqtarǵa suranys óte joǵary, 8-10 adamdy jumyspen qamtydym", - dedi A.Úsenbaı.
Qolda bardy usatyp, zaman talabyna oraı kásipke beıimdelgen azamat memleket tarapynan nesıe de almaǵanyn atap ótti. "Beınetsiz zeınet qaıdan bolsyn. Kedeılikke aparatyn jol - erinshektik" dep oıyn túıindedi.
Aıta keteri, aýyl sharýashylyǵy salasynyń jáne Qazaqstannyń jalpy ekonomıkasynyń básekege qabilettiligin arttyrýǵa baǵyttalǵan 2013–2020 jyldarǵa arnalǵan agoroónerkásiptik keshendi damytý boıynsha «Agrobıznes-2020» baǵdarlamasy aıasynda sońǵy jyldary jylyjaı sharýashylyǵy jaqsy damyp keledi. Respýblıkadaǵy jylyjaılardyń basym bóligi tabıǵaty jyly Ońtústik Qazaqstan oblysynyń aýmaǵynda ornalasqan. Jylyjaı ashyp, kásibimdi kórkeıtem degen sharýalarǵa memleket tarapynan kómek te bar. «Agrobıznes - 2020» baǵdarlamasyna sáıkes, ozyq tehnologıalar negizinde óndiristik jylyjaı qurylysyn júrgizip, iske qosqan kásipkerlerge ınvestısıalyq sýbsıdıa tólenedi.
