«Jumyspen qamtý-2020—jol kartasy» baǵdarlamasy aıasynda óńirimizde jumysqa turyp, otbasyn asyrap jatqan jandar az emes.
Oblysymyzda shaǵyn jáne orta kásipkerlikti berik qolǵa alǵan jastardyń qatary kún sanap artyp otyr. Máselen, Túlkibas aýdanynda 70-ten astam azamat «Jumyspen qamtý-2020 - jol kartasynyń» sharapatyn kórip otyr. Aıtý kerek, baǵdarlamaǵa qatysýshylardyń 50 paıyzy - jasy otyzdan endi asqandar. «Jas kelse iske» demekshi, buryn jumyssyz júrgen jastar endi tirlikti óndirip istemek. Kóńil-kúıleri joǵary.
Jáne taǵy bir aıta keterligi, Túlkibas aýdanynda Maıra Qydyralıeva jaqynda jıhaz sehyn iske qosty. Ózinen bólek, eki azamatty jumyspen qamtyp otyr. Eki jyl buryn memlekettik baǵdarlamaǵa qatysýǵa nıet bildirgen. Ótinishi shilde aıynda qanaǵattandyrylyp, «Aýyl sharýashylyǵyn qoldaý qory» AQ arqyly 3 mln. teńge nesıe aldy. Endigi meje – jarty jylda ketken shyǵynnyń ornyn toltyryp, tabys kólemin ulǵaıtý.
Maıra sekildi arnaıy sertıfıkatqa ıe bolǵan jandardyń qatary bıyl 100-den asqan. Onyń 77-si 202 mıllıon teńgeniń nesıesin alyp, óz kásipterin bastady. Kópshiligi mal basyn arttyryp, qora-jaılaryn keńeıtýdi kózdeıdi. Aýyldy jerde egin jáne mal sharýashylyǵymen aınalysqan óte tıimdi. Sebebi, jer bar, sý, shór bar. Eń bastysy, nıet bolsa boldy. İsteımin degen adamǵa memleket shekteý qoımaıdy.
Túlkibas aýdanynda búginde jumyssyz júrgen jandardyń sany 1300-den asady. Memleket qoldaýy arqasynda bul problema aldaǵy eki-úsh jyldyń kóleminde túbegeıli sheshilmek.
