Bıylǵy jyly maqta terim jyldaǵydan erteleý bastaldy. Qyrkúıektiń basynan beri maqta ósirýshiler baǵaly shıkizatty negizinen qolmen terýde. Árıne, terim mashınalarymen maqta jınaý bastalyp jatyr. Biraq, áli tolyq qarqyndy emes.

     Buǵan sebep maqta alqaptarynda defolasıa jasalǵanmen mashınamen terýge áli tolyq daıyn emes. Búgingi tańda 33149 gektar qoza alqaby defolasıadan ótse, 21000 gektar qozalyqta 136 OBH tehnıkasy jumys isteýde. Búgingi jumaǵa deıin 5349 gekgar qol terimnen ótse, toǵyz aýyl ókimshiliginde 1840 gekgar maqta alqabyn terim mashınamen terip, qabyldaý pýnktterine aýdan boıynsha 11759 tonna maqta tapsyryldy. Iaǵnı, qazirgi ýaqytta gektaryna ortasha 19 sentnerden ónim túsýde. Aýdandyq aýyl sharýashylyǵy bóliminiń basshysy A.Mahambetovtiń bergen málimeti boıynsha buginde aýdan boıynsha 240 terim mashınasy terimge daıyn tur. Bıylǵy jyly 83042 gekgar alqapqa “aq altyn” egilgen bolsa, onyń 54617 gektary bolat býnkerli mashınamen, 28425 gekgar alqap qol terimmen teriledi dep kútilýde. Jalpy ortasha 24 sentnerden ónim jınalady degen boljam bar. Jalpy maqta terimniń 65 paıyzy osy terim mashınalarymen jınalmaq. Dıqandar úshin eń jaqsy jańalyq - keshegi beısenbi kúnnen beri aýdandaǵy barlyq maqta zaýyttary ár tonna “aq altyndy” 146 myń teńgeden qabyldaýda.

A.TASTANBEKOV. «Maqtaaral» gazeti