Fethýllah Gúlen baspasóz máslıhatyn ótkizip, terror shabýyldarynan keıin oryn alǵan arandatý áreketterine baılanysty mańyzdy eskertý jasady, - dep habarlaıdy Qamshy.kz.
Ol 1960 jyldyń 27 mamyryndaǵy, 1980 jyldyń 12 qyrkúıegindegi tóńkeristerge deıin jurtty «ońshyl-solshyl» dep bólip, bir-birine qarsy aıdap salǵan áreketterdi búgin de qaıtalaǵysy keletinderdiń bar ekenine basa nazar aýdartty.
Sheıitterge raqym jáne máńgilik baqyt tilegen Gúlen túrik ultyna jáne uldary sheıit bolǵan otbasylarǵajáne olardyń jaqyndaryna kóńil aıtty.
Ótken apta Stambýldaǵy Beshıktash aýdanynda 44sarbazdyń, keshe Kaıserı qalasynda14 sarbazdyń sheıit bolýy, 55 kisiniń jaralanýynan keıin kúni boıy Kaıserı, Stambýl, Ankara, Býrsa, Kojaelıden bastap, Túrkıanyń kóptegen oblysynda teketirester oryn aldy. Kóbine HDP (halyqtyq-demokratıalyq partıa), keı jerlerde RHP (respýblıkalyq halyq partıasy), EMEPsekildi saıası partıa ǵımaraty men basshylaryna baǵyttalǵan qysym, órteý áreketteri boldy. Halyqtyń bul qarsylyǵy áldekimderdiń baǵyttaýymen arandatý áreketterine ulasty.
Fethýllah Gúlenniń www.herkul.org atty ınternet saıtynda jarıalaǵan málimdemesinde elde azamattyq soǵys otyn tutatý úshin arandatý áreketteri oryn alyp jatqanyna nazar aýdartyp bylaı dedi:
Ótken kúnderden búginge deıin birqatar jat pıǵyldy kúshter bir jaǵynan keıbir toptardy arandatýshylyq pen kóshege shyǵarsa, endi bir jaǵynan olarǵa qarsy toptardy olarǵa aıdap salyp, jurtty bir-birimen qyrylystyryp, sóıtip óz múddelerine qol jetkizýge tyrysýda.
«OŃ-SOL» DEP BİR ELDİŃ AZAMATTARYN BİR-BİRİNE AIDAP SALÝDA, ENDİ AZMATTYQ SOǴYS TUTATQYLARY KELÝDE.
Aıtqandaı, 27 mamyrǵa deıin bastalyp, 80 jylǵy tóńkeriske deıin, tipti onyń sońyna deıin jalǵasqan keıbir arandatýlarda soǵan uqsas adamdar halyqty «oń-sol» dep synyptarǵa bólip, olardy osal jerinen túrtkilep, bir eldiń azamattaryn bir-birimen jaýlastyrdy, sóıtip aqqan qannyń ústine ózderiniń bıligin ornatýdy kózdedi.
Qazirgi ýaqytta da sondaı senarı uıymdastyrylýda, ultaralyq ári mázhabaralyq qaqtyǵystarǵa orta daıyndap, tipti Alla saqtasyn, el ishinde azamattyq soǵys tutatqylary keletini baıqalady.
ELİMİZDİ ÁRİ ADAMZATTY JAQSY KÓRETİN BARSHA AZAMAT ÓTE MUQIAT ÁRİ SAQ BOLÝY TIİS
Elimiz ben otandastarymyzdy jaqsy kóretin barsha jan óte muqıat ári saq bolyp, arandatýlarǵa urynbasyn, ásirese «basqalarǵa dál solaı ese qaıtaram» degen qatygez qaǵıdaǵa barmaǵany durys.
Alaıda, ókinishke qaraı, memleket basqaryp otyrǵandardyń keıbiriniń, birqatar BAQ ókilderiniń jáne áleýmettik jeli ıeleriniń arandatýshylyq sózderi teketiresti qozdyryp, qoǵamdyq dúrdarazdyqty odan ári ýshyqtyra túsýde.
MÁSELELERDİ AQYLMEN, BAIYPTYLYQPEN SHESHÝ KEREK
Oryn alǵan keleńsizdikterdi aıǵaı-shýmen, órtep, qıratýmen, kisi óltirýmen emes, aqylmen, parasat-paıymmen jáne baıyptylyqpen sheshý kerek.
Budan bólek, Qyzmet qozǵalysy eriktileriniń isinde kóshege shyǵyp, shý shyǵarý, bireýlerdiń arandatýyna aldaný, ásirese kúsh qoldaný degen uǵymdardyń joqtyǵyn taǵy bir ret eskerte ketkendi oryndy dep oılaımyn.
QYZMET QOǴAMY KONSTRÝKTIVTİ DIALOGTY NEGİZGE ALADY
Qozǵalys eriktileri qarsylastary ózderine qandaı aýyr ádis-tásildermen qarsy kelse de, konstıtýsıa sheńberinen jáne demokratıalyq quqyqtyq memleket sheginen esh shyqpaıdy. Eshqashan zańsyz áreketterge barmaıdy.
Konstrýktıvti dıalogty negiz etetin Qyzmet qoǵamdastyǵy memleketin súıetin, baıypty, baısaldy, ár azamattyń óz quqyǵyn qorǵaǵanyndaıóz quqyǵyn mindetti túrde tek zańdy aıada qorǵaýǵa tyrysatyn bolady. Eshqashan pıǵyly jat áldekimderdiń aılasy men arandatýyna Allanyń qalaýymen ermeıdi.
SHEIİTTERİMİZGE MÁŃGİLİK BAQYT, ULTYMYZǴA ÁRİ JAQYNDARYNA SABYR TİLEIMİN
Osy bir múmkindikti paıdalana otyryp, sheıitterimizge taǵy bir ret máńgilik baqyt, ultymyzǵa sabyr, basshylarǵa parasat tileımin. Qan bóktirgender ózderi qazǵan orǵa ózderi tússin!
Túıin sóz retinde barshany duǵanyń kúshine súıenýge shaqyramyn:
«Iá, Allam, birligimizdi kúsheıt, yntymaǵymyzdy jarastyr, tatýlyǵymyzdy bekemdeı kór! Óziń týra jolǵa túsýin qalaǵan pendelerińdi týra jolǵa sal, júregi men oı-sanasyn ońǵar. Eger dushpandyq jasaǵandar arasynda óziń týra jolǵa salýdy qalamaǵan ári ózderi de túzelgisi kelmeıtinder bolsa, olardyń aıla-amaldaryn iske asyrma, olardy túp-tamyrymen joı».
M. Fethýllah Gúlen
Tárjimalaǵan – Talǵat Myrzahmetuly
