QR aqparat jáne komýnıkasıa mınıstri Dáýren Abaev 16 jeltoqsanda áleýmettik jelilerdiń ashylmaı qalǵanyna qatysty pikir bildirdi. - dep habarlaıdy Tengrinews.kz

«Joq, bul Áblázovtyń suhbatymen baılanysty emes. Bul telekomýnıkasıa jelilerindegi tehnıkalyq aqaý. Mundaı dúnıeler bolyp turady. Meniń túsinýim boıynsha, bul 16 jeltoqsanda bolǵandyqtan, belgili bir dúrligý týǵyzdy», - dedi Abaev.

Aıta keteıik, 16 jeltoqsanda keshki ýaqyttan bastap qazaqstandyqtar Jelilerge qosyla almady. Kóptegen qoldanýshy áleýmettik jelirge, naqtyraq aıtsaq, Facebook, Vk.com, Telegram, You Tube, Twitter, Instagram, Google jelilerine kire almaı otyrǵanyn aıtyp, shaǵymdanǵan edi.

Al keıin QR Aqparat jáne komýnıkasıa mınıstrliginiń ókilderi áleýmettik jelilerdiń ashylmaı turǵanyna qatysty pikir bildirgen bolatyn. Vedomstvonyń resmı ókili Arsen Bektasovtyń aıtýynsha, Taıaý ýaqytta barlyq aqaý jóndelip, jumys qaıta jandanady. "Keıbireý jelilerge kire alady, al bireýleri kire almaı otyr. Bul tehnıkalyq aqaý", - degen edi ol.

Al túnde áleýmettik jeliler ishinara ashyla bastady. Qazaqstandyqtar Instagram, Facebook jelilerine kire aldy. Alaıda tikeleı Internet jelisi arqyly qosylýda kedergiler boldy. Uıaly ınternetten atalǵan saıttarǵa kirýge múmkindik boldy. Aıta keteıik, Qazastanda Egov.kz elektrondy úkimet jáne "Qazaqtelekom" AQ saıttaryna kirý múmkin bolmaǵan.