Ankarada bolǵan elshiniń óliminen keıin Reseı men Túrkıanyń qarym-qatynasy týraly saıasattanýshy Alekseı Malashenko óz oıyn bildirdi. Ol jóninde BAQ túrli boljam jasap jatyr. Biri Fettýllah Gúlen uıymdastyrdy dese, endi biri Pýtınniń ustanyp otyrǵan saıasaty Andreı Karlovqa zıanyn tıgizdi dep esepteıdi.
Karnegı Máskeý ortalyǵy ǵylymı keńesiniń múshesi Alekseı Malashenkonyń oıynsha Reseı men Túrkıanyń qarym-qatynasy nyǵaıady. Sebebi, Pýtın men Erdoǵannyń da jaýy ortaq ekenin túsindi. Ol eki eldi bir-birinen alshaqtatý úshin osy áreketke bardy dep boljaıdy. Eger bul boljamy rastalsa, Túrkıa men Reseıdiń qarym-qatynasy «bir kúndik» emes ekenin barynsha dáleldeýge tyrysady.
BAQ-da elshiniń ólimin uıymdastyrǵandardyń artynda Fettýllah Gýlen tur dep boljap jatqandar kóp. Ásirese túriktiń memlekettik BAQ AQSH-ta turatyn túrik oppozısıoneri Fettýllah Gúlendi ádeıi uıymdastyrǵanyn jarysa jazyp jatyr. Máselen «Sabah» gazetinde «Eki el arasyndaǵy qarym-qatynas jaqsara túskende, ony kóre almaıtyndar las oıyndaryn iske qosty» dep jazsa, basqa memlekettik gazet úsh el arasyndaǵy óte mańyzdy kezdesýdiń aldynda ádeıi uıymdastyryldy dep habarlaıdy. Alaıda A.Malashenko Fettýllah Gúlenniń qaıratkerligimen jáne eńbekterin eskere otyryp, bul ólimdi uıymdastyrmaǵanyna senimdi.
A.Malashenko bylaı deıdi: «Qazirgi kúni baıqap otyrǵanymyzǵa súıensek, Reseı oqıǵanyń túriktik nusqasyn qabyldaıtyn syndy. Onda, mysaly, BAQ-tar shabýyl jasaýshyny qazirdiń ózinde shilde aıynda oryn alǵan tóńkerispen baılanystyryp otyr. Jeke óz basym onyń ne týraly jazǵanyn jáne onyń is-qyzmetin bilgendikten, ólimge Fethýllah Gúlenniń áldebir qatysy bar degen tujyrymǵa senbeımin. Oǵan munyń esh qajeti joq, sebebi, ol terorızmnyń ymyrasyz qarsylasy. Túrikter, álbette, ózderine qolaıly keletin kartany oınatary kámil. Bálkim, birneshe nusqa, sonyń ishinde Gúlenge qatysty da, qarastyrylýy múmkin. Erdoǵanǵa bul tıimdi, biraq, oǵan áli basqalar da senýi kerek qoı, óıtkeni, bul Gúlenniń ádisi emes. Meniń oıymsha, munda jalǵyz adam, bolmasa, áldebir ıslamıstik top áreket etken. Bireýdi naqty atap kórsetý áli erterek, sebebi, qandy oqıǵanyń ár túrli nusqalary bar».
Fettýllah Gúlenniń shtaby oǵan taǵylyp jatqan aıyptar týraly málimdeme jasady. Opozısıalyq saıasatkerdiń shtabynda, aıyptaýlar kúlkili ekenin aıtqan. «Ol tek qaýipsizdik sharalarynyń nashar uıymdastyrylǵanyn aqtap alý úshin taǵylǵan aıyp» dedi saıasatkerdiń kómekshisi Alpa Aslandogan.
Al amerıkalyq «New York Daily News» Andreı Karlovtyń ólimin ádilettilik ekenin jáne maqala avtory elshiniń ólimine esh qaıǵyrmaıtynyn jazǵan. Onyń oıynsha Karlov las saıasatty ustanǵan eldiń bet-beınesi boldy. Ony buǵan deıin óltirip ketpegenine tań qalatynyn da jazǵan.
Andreı Karlovtyń ólimine qatysty tergeý jumystary júrgizilip jatyr. Ol úshin Reseıdiń arnaıy qyzmeti Ankaraǵa ushyp kelgen bolatyn.
