AQSH-tyń áskerı kúshi Qytaılyqtardan álde qaıda myqty, alaıda qytaıdyń jaǵalaýlarynda bolatyn soǵys óte kúrdeli, qandy soǵys bolady jáne de ony jeńý ońaı bola qoımas dep habarlaıdy aif.ru. Málimettiń qazaqsha nusqasyn Qamshy portaly oqyrman nazaryna usynady.

QHR-ǵa Donald Tramp qońyraý shalyp Qytaıdan AQSH-qa eksporttalatyn taýar ónimderin birden 45%-ǵa kóteretinin málimdegen. Amerıkalyq óndiris kásipkerleri qytaılyq zaýyttarmen  teńdese almaıdy dep syltaýratqan eken. AQSH prezıdenti jasaǵan bul kelisimge amerıkalyqtar óz narazylyqtaryn bildirýde.

Jeltoqsannyń basynda Tramp Qytaı moıyndamaıtyn Taıvan memleketiniń basshysymen telefonmen sóılesken eken. Osy ýaqytqa deıin bir Qytaıdyń isin Vashıngton resmı túrde júrgizip otyr: Taıvan men AQSH arasyndaǵy dıplomatıalyq ara-qatynas 1979 jyldyń ózinde-aq toqtatylǵan. Bul saıasattan bas tartý arqyly Pekınniń tý syrtynan pyshaq suqqandaı bolar edi. Tynyq muhıtyndaǵy flot admıralynyń komandıri Qytaıǵa tótep berýge  daıyn ekendigin málimdedi.  Alaıda, bul málimdeme qytaılyqtardy qorqyta qoımady, olar, tipti, AQSH-tyń sý astyna súńgıtin quraldaryn basyp alǵan. Sol sebepten, Tramp Qytaıdy qaraqshy dep sókken bolatyn. Al qytaılyqtar «Donald Tramp memleketti basqarýǵa qaýqarsyz» dep jarıa etti.

«Eki el arasyndaǵy qarýly qaqtyǵystyn qatty qorqýdyń qajeti joq, alaıda AQSH ta, Qytaı da ıadrolyq derjava bolyp tabylady. Biraq bular ózderiniń áskerı kúshterin synap kórý maqsatynda áskerı ushaqtarmen bir-birine shabýyl jasaýy ábden múmkin», - dep málimdedi áskerı ǵylymnyń doktory Konstantın Sıvkov.

«AQSH pen QHR  arasynda ekonomıkalyq teketirestiń de bolýy múmkin. Olar bir-birine Keńes Úkimeti men AQSH sekildi qarsy turady dep oılaımyn», - dep aıtty.

AQSH pen Qytaı arasyndaǵy bul keleńsizdikti Reseı óz paıdasyna asyryp, álemdik deńgeıde ózindik pozısıasyn kúsheıtip almaq.

Aýdarǵan: Nazerke Labıhan