Nurash Áıtkenqyzy
Ákeshime degen alaqanymnyń haty
Áke , munda kún sýyq , úı de sýyq .
Ómir ǵajap dep aıtam kimge ótirik ?
Muz - qatqaq tabanymnan qarıdy eptep
Sońymda júr top ýaıym súıretilip .
Áke , bizdiń aýylǵa qar jaýdy ma ,
Japyraqtar jatyrma óz baǵynda ?
Sheshem jıi kúrsinip júrgen shyǵar
Bizden habar jetkenshe anda- munda .
Muztaý únsiz , basy qar , máńgi munar-
Kómilip sonda jatqan az muńym bar
Tyńdaıynshy- alpys kúz áńgimesin
Mysaly , shashyńdaǵy aq qaı jylǵy qar ?
Mahabbattar . . . qatelik , saǵynshtar ,
Taýyńyzda jatyrma jamylyp qar ?
Qalaı qaraı , qaı kúzde ushyp ketti ,
Qanatynda jazý bar saǵym qustar ?
Al , bıyl qus qaıtqaly , kúz kelgeli
Meni óleń izdemedi . Úndemeıdi .
Qardyń sýyn kútetin shyǵar múmkin
Jastyǵymnyń ańsaýyq qyr -beleńi .
Iini qanyp jaryqtyq qara taýdyń ,
Jatady -aý óz bıigi . . . óz otany . . .
Kún sýyq . Áke -alysta . Qar yp -ystyq ,
Kóńil beıjaı .
Kúıip tur alaqanym .
Súıý dep bil
Kóke !
qıyn shaqtarda ,
muńly sátterde
izdemeıtinmdi ,
Qarańǵy tusqa súıremeıtinmdi ,
Kúıregen daýal túbinde uıyqtap
kúıremeıtinmdi ,
Nazdanyp kúler ”qyryq hanshańdy “
kúndemeıtinmdi
Súıý dep bil .
Sózimniń basy ,
kózimniń jasy
ekendigińdi ,
Eń jaqyn ári bótendigińdi ,
Temirqazyq pen taýyńdy jalǵap
Úıińdi aınala óter muńymdy
aıtpaǵanymdy
aqtangerim -oý ,
Súıý dep bil .
Jarańdy emder ,
janyńdy terber ,
Jumbaq dybysty
Ańsaıtynńdy ,
Shashyma qonǵan aq túıir shańdy
Bárinen buryn baıqaıtynyńdy ,
Sezetinmdi ,
senetinmdi
Súıý dep bil , kóke ! . . .
Dombyra músindi júregim
Kúnderden ózge kúnderdiń, shaqtardan ózge shaqtardyń
Oıladym ba eken sonaý-ýda, suıyp qalam dep aspanyn.
Juldyzy ǵajap sol tunnyń, muńlylaý ásem tolqynyn
Dombyra tartyp otyryp, kózińdi qadap maqtadyń.
Maqtadyń ٴtunnyń ystyǵyn, bulttardyń da ystyq ekenin,
Kózimdi qaıda aparsam, qolyńdy sonda kóterdiń.
Saǵynyp qabaq shytasyń.
kóp qaraýǵa da aıaısyń,
Unattym Nurdan jaralǵan mahabbatyńnyń mekenin.
Qolyma ٴısyn sebedi ٴmaýyljyp pysqan aq jýsan,
Alqońyr» men «Telqońyr» - júrekte kezek jańǵyrsa,
Tamyrǵa boılar kúılerdiń taǵdyry mende shyǵar-aq,
Qos ishegine jylynam, juldyzdy ٴtunyń tońdyrsa.
Dombyra-saýsaq arasy, ekeýimizdegi aralyq,
Telegeı muńnyń tamshysy juldyzdan ٴjıy tamady.
Qulaq kúıi ٴbyr kelmegen myna dúnıeniń azabyn
Kózge ilmeı turdyq.
eńiste
buldyrap jurdy.
aıadyq.
Kúmbirli kúımen qymtadyń, sýyq jel soqqan irgemdi,
Kúı qosypty ǵoı, endeshe, arany sol jyl kim ٴboldy?
Kózińniń jalǵyz tamshysyn qulata kórme , nar kóke
Ózińe syılap otyrmyn, kúnderden ózge kúnderdi. . .
Syrnaıly qosbasar
Mynaý ne, sary dalama saǵymy mol ,
Órt tıgen ný ormandaı jalyny úder .
Syrnaıly qosbasar bul .
eki ishektiń
Eki myń jylda qanbas zaryǵy der .
Mynaý ne- sarbazdarma myń san atty ,
Qalyń qol lap qoıama kil jaraqty ? !
Kúre júıkeń juqarǵan, eı, qara jer
Syz túgil , uly aspan da tynysynan
toqtardaı kilit adasty .
Eki ishek tyńdaı qalsa birin biri ,
Almasyp eki álemniń tynyǵýy .
Bireýi saǵynshtyń dabysyndaı
Bireýi jan jylatar suıý úni .
Syrnaıly , beý , qosbasar , armanym -aı !
Lúpildep bul dúnıeniń qalǵanyndaı .
Keýdemdi tyrnap turar máńgi baqı
Keremet kezdesýden qalǵan muńdaı .
Qos ishek- janaryńnan jalyn atyp ,
Myń oıdy kógenińnen jamyratshy . . .
Júregim jurt tyńdamas ámirshi ǵoı
Qosbasar , men toqtaıyn , óziń aıtshy !
Aspaly júrekter
Qoshtasyp ediń qolymnyń syrtynan sıpap
Jaryq juldyzym sekildi turdyń alystap .
Bir shýmaq óleń kózimnen qus bolyp ushyp
Arasynda aı men toǵaıdyń jurdy qalyqtap .
Kináláı berdiń baǵyń men balashaǵyńdy ,
Bolmadym dediń tym asaý qara taı ǵurly .
Burylǵanyńdy kórgem joq .
kóz jasym tamyp
İzyńdy sıpap jylttym alaqanymdy
Shegirtkelerde sen jaıly áńgime qozǵap ,
Aqyl aıtady ozyń bop ómirden azdap .
Syr toly toǵaı seniki , myna joldarmen
Júryp keldiń be ańǵalym , súrine jazdap? ?
Toǵaıdan emes , qashtyń sen óz júregińnen ,
Aıap turmyn dep aıamaı keldiń ǵoı , bilem !
Terekke súıep arqańdy áńgime aıtqanyń-
Jańsaq qyzyǵym shyǵar-aý kemdi kún kórgen .
Kóńilde ýaıym , kókte bulyt astasqanyn -aı ,
Baǵymdy izdep kelmep pe em bastapta munda ? !
Qozyqa- qońyr minezben suıyp ótersiń,
Qolymnyń sıpap syrtynan qoshtasqanyńdaı .
daıyndaǵan: Bulǵyn Sýsar
