Keıde jumystan kesh qaıtamyn. Montaj bólmesine jasy elýden asqan ana kelip eden jýady. Ornymnan turyp, sol kisiniń ornyna shań súrtkim keledi... Ol Ana ǵoı!!!

Esterińizde bolsa, "Syrǵalym-2" telehıkaıasynda súıikti aktrısamyz, ustaz Rahılám Mashýrova bankte eden jýýshy bolyp jumys isteıdi. Sol kezderi shákirtteriniń syrttaı qynjylyp júrgenin kórdim: "Bizdiń apaıymyzǵa qaı-qaıdaǵy bir róldi beripti"... Biraq Rahılám apaıdan "Dara jolda" sol ról jaıly suraǵanymyzda "eden jýýshy da adam ǵoı!" dep adamı bolmysymen nyq jaýap berdi. Ras qoı!!!

Bir kezderi jeke menshik mektepte jumys istedim. Eden jýatyn eki kelinshek bar edi. Keıde shala-pula jýyp ketse, "túúúý, men eden jýsam burysh-buryshty tap-taza qyp jýar em" dep oılaıtynmyn ishteı. Sol armanymdy qudaı "berdi". Bir kúni álgi kelinshektiń bireýi dertti bop, dırektor bizdi óz kabınetine shaqyrtty (ol kezde sol jeke menshik mekteptiń muǵalimderge arnalǵan bólmelerinde turamyz!). "Keshke jýsańyzdar qosymsha aqysyn tóleımiz".. Iá, bastapqyda qosymsha aqshaǵa aldanyp jýdyq. Belim qaıysyp, búıregim aýyra bastady... Qasymdaǵy kelinshektiń eki balasy bar zińgitteı, oryndyqtardy kóterip kómektesedi. Al men bolsam kishkentaı Ermahandy ertip júrip jýamyn. Odan sóz kómek bolmasa, basqa ne kómek deısiz?! Jyltyratyp jýamyz. Erteńine oqýshylarǵa sabaq beremin. Qaryndashtaryn qalaı bolsa solaı arshyp tastaı beredi. "Tazala, qoqysqa sal. Eden jýýshy adam emes pe?" deımin álgi balaǵa. Ol adam ózimmin ǵoı endi, bir aıǵa ǵana álim jetti degenmen...

Áńgime álgi elýden asqan Anadan týady ǵoı... Barlyq eden jýýshylar da áskerıler sıaqty 40-45 jastarynda zeınetkerlikke shyqsa ǵoı, shirkin. Beınetteri óteler edi... Eden jýýshy Adam men úshin - eń taza Adam!!!

Avtory: Ǵalıa Shaýdyrbaeva