Bul týraly «Qazaqstan RTRK» basshy Kemelbek Oıshybaev jarıalady.

«Qurmetti dostar!

«Qazaqstan» korporasıasynda jańa ózgeristerimiz bar.

Birinshiden "Altyn qor" atty Departament ashyp áriptesimiz Razıa Ydyrysbaevany basshylyqqa taǵaıyndadyq. Basty maqsat taspada turǵan korlarymyzdy júıeli túrde sıfrlandyryp, uzaq jylǵa saqtap, urpaqqa qaldyratyn ynǵaıly, júıeli qor jasaý.

Ekinshi, Semeı qalasyndaǵy aımaqtyq fılıaldyń jańa basshysyn taǵaıyndadyq. Elge belgili, tajirıbeli jýrnalıs, pýblısıs Dıdar Amantaı búginnen bastap sol qyzmetke kiristi.

Manǵystaý oblastyq fılıaldyń dırektorynyń mindetin atqarýdy áriptesimiz, aqparattyq baǵdarlamalar dıreksıasynyń orynbasary, qalamy ushqyr jýrnalıs Jalǵas Altaevqa tapsyrdyq. Jalǵas ázirge dırektor mindetin atqarýshy bolady.

Áriptesterime sáttilik tileımin!», dep jazdy korporasıa basshy Oıshybaev.

Aıta keter bolsaq, Dıdar Amantaı - (1969 jyly 5 aqpanda Qaraǵandy oblysynyń Qarqaraly aýdany) - jazýshy, senarıst, jýrnalıs, qoǵam qaıratkeri. Buǵan deıin  Sháken Aımanov atyndaǵy "Qazaqfılm" aksıonerlik qoǵamynyń bas redaktory qyzmetin atqarǵan.

Orta mektepti bitirgen soń, 1986 jyly Qazaq polıtehnıkalyq ınstıtýtyna, metalýrgıa fakúltetine (orys bólimi) oqýǵa túsedi túsedi. Birinshi kýrsty aıaqtaǵan soń, 1987 - 1989 jyldary Qıyr Shyǵysta, Vladıvostok qalasyna taıaý mańda áskerı qyzmette bolady. 1989-1994 jyldary ál-Farabı atyndaǵy Qazaq Ulttyq ýnıversıtetiniń «Fılosofıa jáne polıtologıa» fakúltetin úzdik bitirgen. 1994—1997 jyldary Temirbek Júrgenev atyndaǵy Teatr jáne kıno ınstıtýtyn  kınodramatýrg mamandyǵy boıynsha úzdik bitirip shyǵady. 2000 jyly Slovakıa astanasy – Bratıslava qalasynda toǵyz aılyq AQSH jornalshylar kýrsynda (aǵylshyn bólimi) oqıdy.

Dıdar Amantaı búginge deıin

1987—1989 jyldary «Jas alash», «Zaman Qazaqstan» gazetterinde tilshi, bólim meńgerýshisi;

1997 — 2002 jyldary «Habar» agenttiginde baǵdarlama redaktory, «Maıdan» tok-shoý redaktorlar bóliminiń jetekshisi, «Betpe-bet» baǵdarlamasynyń júrgizýshisi;

2002 — 2004 jyldary «Zerde» jobalaý tobynyń jetekshisi;

2004 jyly Sh.Aımanov atyndaǵy «Qazahfılm» ulttyq kınokompanıasynyń bas redaktory;

2005 — 2006 jyldary «El men jer» jáne «Azamat K2» gazetiniń dırektory;

2004 — 2008 jyldary «Nachnem s ponedelnıka» gazetiniń Bas dırektory jáne bas redaktory;

2008 jyly iskerlik «Azamat» gazetiniń dırektory;

2006 — 2008 jyldary «31 arnanyń» «Abaıtaný» jáne «Zamandastar» televızıalyq baǵdarlamalarynyń avtory jáne júrgizýshisi;

2009 —  2015 jyly shildege deıin Sh. Aımanov atyndaǵy « Qazahfılm » Ulttyq kınokompanıasynyń bas redaktory qyzmetterinde boldy.