Reseı Prezıdenti Vladımırovıch Pýtın «ıslam» sózi men «terror» sóziniń qatar qoldanbaý kerek ekendigin málimdedi. Bul jaıynda ol 23 jeltoqsan kúni ótken úlken pres-konferensıada aıtqan bolatyn dep habarlaıdy newsru.com, málimettiń qazaqsha nusqasyn «Qamshy» portaly oqyrman nazaryna usynady.

Tilshiniń «Eger terror dinge de, memleketke de qatysty bolmasa, BAQ ókilderiniń Islamdyq memleket dep qoldanýlaryna tyıym salý kerek pe?» degen suraǵyna Reseı prezıdentiniń jaýaby mynadaı boldy.

«Siz qaı basylymnyń tilshisisiz? Búgingi Kavkaz ba? Sizderge tyıym salýǵa bolady ma? Meniń oıymsha, bul bolashaǵy joq nárse», - dep ázildedi Vladımırovıch Pýtın.

«Islam» men «terror» sózderi qatar qoldanbasa eken deımin», - dep qosa ketti.

Esterińizge sala ketsek, bir jyl buryn Reseılik BAQ ókilderi «Islamdyq memleket» degen tirkesti DAISH (ot al-Dawla al-Islamiya al-Iraq al-Sham, chto ı oznachaet "Islamskoe gosýdarstvo Iraka ı Levanta") degen sózdermen aýystyryp qoldanǵysy kelgen. Toptyń mundaı ataýy Arab elinde qalypty bolyp tabylǵanymen, Reseı Federasıasynda áli kúnge deıin keń qoldanysqa túse qoımady.

Dmıtrıı Kısılev: «Islam dini terorızm syndy varvarızmmen qatar turmaýy kerek. DAISH-tyń ornyna IGIL dep qoldaný reseılikterdi terrorısterdiń sybaılasy etip kórsetedi.»

Reseıdiń fsb.ru saıtynda ataýlarynda «ıslam» jáne «musylman» deıtin sózler kóp kezdesetin tyıym salynǵan terorıstik uıymdardyń tizimi jarıalanǵan.

«Islamdyq memleket» - 2006 jyldyń qazan aıynda qurylǵan Sırıa men Iraktyń terıtorıasynda jumys isteıtin, Reseı Federasıasynda tyıym salynǵan uıym.

Aýdarǵan: Nazerke Labıhan