Almaty turǵyny Sáýle Volkovany qyzynyń synyptastarynyń ata-analary mektep jınalysynda túsirilgen vıdeony Youtube hostıngine júktegeni úshin sotqa berdi, - dep habarlaıdy Tengrinews.kz tilshisi.
Sáýle Volkovanyń ústinen alty ata-ana sotqa shaǵymdanǵan. Olar odan 1 mıllıon 300 myń teńge somasynda qarajatty moraldyq shyǵyn retinde óndirip almaqshy eken. Óz aryzynda olar Volkova "abyroıy men namysyn qorlaıtyn málimeti bar vıdeony Youtube jelisine júktegen" dep jazǵan, sonymen qatar, WhatsApp messendjerindegi hat almasý kezinde №68 mektebiniń 2 "B" synyp oqýshylarynyń aty-jónderi kórsetilgen tizim jarıalanǵan delinedi. Al balalardyń aty-jónin jazýǵa ata-analar Volkovaǵa ruqsat bermegenbiz deıdi.
"Nátıjesinde shaǵymdanýshylar qusa bolǵanyn, balalardyń ómirine qaýiptengen edi, jaýapkerdiń óz maqsattary úshin balalardyń aty-jónderin qoldanýyna ashýlanady. Balalar da uıalyp, jaǵymsyz kúıge túsip, mektepke barǵysy kelmeıdi", - delingen aryzda.
Aryzdanýshylardyń múddesin qorǵaıtyn advokat jaǵdaıǵa qatysty pikir bildirýden bas tartty.
"Internette málimet onsyz da kóp. Jeter. Pikir aıtpaımyn. Qazir aıtylyp jatqannyń ózi jetkilikti. Mundaı málimetterdi taratýdyń qajeti joq. Toqtatyńyzdar!", - dedi Tengrinews.kz tilshisine aryzdanýshylardyń advokaty Asel Mahmetova.
Aryz túsirgenderdiń biri, Kıra Boıkonyń anasy Oksana Boıko da kóp sóılemedi.
"Ol aryz ben shaǵymdaryn Bilim mınıstrligine 6-8 ret jiberip úlgerdi, shara qoldanýyn surap jatyr. Meniń qyzyma bóten bir kisiler kelip, "Mynaý seniń telefonyń ba?" dep surap júr eken. Bul jaǵdaı shynymen bolǵan. Mine, osyndaı málimetter", - deıdi Oksana Boıko.
Sáýle Volkovanyń ózi sotqa kelmedi. Onyń ókilderi vıdeony naqty kimniń Internetke jarıalaǵany dáleldenbegenin aıtyp otyr. Al shaǵymdanýshylar Volkovanyń ózi osy áreketti jasaǵanyn moıyndaıtynyn, muny dáleldeı alatyn kýágerlerdiń bar ekenin aıtyp otyr.
Sáýle Volkovanyń ústinen taǵy bir aryzdy basqa synyptyń oqýshysy Evgenıı Halınniń ákesi beripti. Ol Volkova túsirgen vıdeoda óz balasynyń bar ekenine narazy.
"Saldarynan men azap shektim: balam úshin qoryqtym, titirkendim, ashýlandym, jaǵymsyz áser aldym", - dep jazǵan Halın aryzynda.
Er adam Volkovadan moraldyq shyǵyn retinde 100 myń teńge óndirgisi kelip, jazbany ınternetten óshirýin talap etip otyr.
"Vıdeoda balanyń betin kórsetpeı, kólegeılegen. Bala vıdeoda eki sekýndqa ǵana paıda bolady, beti kórsetilmegen, vıdeonyń ekinshi jartysynda ol basyn tómen salyp, ketip bara jatady, onyń kim ekenin anyqtaý múmkin emes. Rolık avtory vıdeodaǵy adamdardyń barlyǵynyń betin kórsetpeı jasaǵan. Bizdiń oıymyzsha, zańnyń barlyq talaby oryndalǵan", - deıdi jaýapkerdiń advokaty Janna Orazbahova.
Onyń aıtýynsha, sotta vıdeony Youtube-qa kimniń salǵany áli anyqtalmaǵan.
"Sáýle Volkova vıdeonyń avtory ekenin moıyndap otyr, sebebi ol ony óz uıaly telefonyna túsirgen. Daýsy da estiledi. Ol osy jıynǵa qatysqan", - dedi jaýakerdiń ókili Saltanat Dilmanova.
Sot saraptama taǵaıyndady, onyń qorytyndysynda Halınniń balasy vıdeoda bar ma, joq pa - anyqtalady.
Sáýle Volkova №68 gımnazıasynda jemqorlyq bar dep málimdegen. Youtube hostınginde ata-analar men Almaty qalalyq bilim basqarmasynyń ókilderi bar túrli vıdeolar jarıalandy. Osy oqıǵadan keıin gımnazıada foto men vıdeo túsirýge tyıym salynatyny jaıly eskertý taqtaıshasy paıda boldy. Volkovanyń aryz-shaǵymdarynan keıin bilim berý mekemesiniń dırektory qyzmetinen ketken edi, al synyp jetekshisi tártiptik jazaǵa tartylǵan.
