«Cumhurivet» opozısıalyq gazettegi kafeniń menedjeri óz úıinde Stambýlda tutqyndaldy dep habarlaıdy vesti.ru. Oǵan prezıdent Redjep Erdoǵandy qorlady degen aıyp taǵylǵan. Túrkıa zańy boıynsha memleket basshysynyń jeke basyna tıisý qylmystyq is bolyp tabylady jáne ol boıynsha 4 jylǵa bas bostandyǵynan aıyrady.
Qazirgi tańda ustalǵan azamat sottyń sheshimi boıynsha qamaýda otyr. Sot «menedjerdiń áreketinen qylmystyń nyshandaryn» baıqaǵan. İs materıaly boıynsha kafe basshysy Senol Býran redaksıany kúzetetin polısıa qyzmetkerimen áńgime barysynda Erdoǵanǵa til tıgizip, polısıaǵa qyzmet kórsetýden bas tartqan. Sonymen qatar, oǵan eshqashan shaı satpaıtynyn jetkizgen. Kafe basshysynyń advokaty Ozgýr Ýrfa onyń Erdoǵanǵa eshqashan shaı satpaıtynyn jáne Túrkıa prezıdentiniń jeke basyna tıisetindeı eshqandaı jaman sóz aıtpaǵanyn jetkizdi.
Redjep Taııp Erdoǵan 10 jyl boıy Túrkıanyń premer-mınıstri qyzmetin atqaryp, odan keıin Túrkıa prezıdenti atanǵan. Osy ýaqyt aralyǵynda onyń zańgerleri qorlaýǵa baılanysty 1,8 myń aryz jazǵan. Aıyptalýshylardyń arasynda mektep oqýshylary, mýltıplıkatorlar tipti buryńǵy Túrkıa arýy da bar. Erdoǵan basqaratyn bılikti tartyp alý áreketinen keıin, ol barlyq aıyptaýlardy qaıtyp alatynyn aıtqan. Alaıda áli kúnge deıin ony istegen joq.
Sátsiz tóńkeris jasaý áreketinen keıin Túrkıanyń barlyq mekemelerinde jappaı qyzmetkerlerdi jumysynan bosatqan. Shilde aıynyń ortasynda 110 myń adam jumyssyz qalyp, 40 myńy temir torǵa toǵytylǵan. Kóbisi AQSH turatyn Fettýllah Gúlen negizin salyp ketken «Hızmet» dinı qozǵalysyna qatysy bar degen kúdikpen otyr. Gúlenniń ózi qozǵalysqa eshqandaı qatysy joq ekenin aıtady.
