Qazaq tildi ınternet betterin «Qazaq Times» atty saıt tolyqtyrdy dep habarlaıdy «Qamshy» portaly.

Bul týraly aqyn Murat Almasbekuly óziniń Facebook-tegi paraqshasynda habarlady. Jańa ashylyp jatqan aqparattyq saıtqa shef-redaktorlyq etetin Murat Almasbekuly:

«Al, qurmetti dos-jaran. Súıinshi jáne kórimdik) Jaılap bir jańa saıt bastadyq. Oqyp, baıqap kórip, baǵa berip, aqyl-keńes, syn-pikirlerińizdi aıta otyryńyzdar!», - dep súıinshiledi oqyrmandaryna.

«Eń bastysy, san túrli aqparat aǵynynyń arasynan asylyn ekshep, jasyǵyn tektep otyrsaq degen taýdaı talabymyz bar. Sol arqyly ınternet keńistigindegi qazaq tildi kontenttiń baı mazundy, baısal oıly, salıhaly da salmaqty, saýatty deńgeıge kóterilýine tamshydaı bolsa da úles qossaq degen qulshynysymyz bar. Sol qulshynysymyzdy qýatty iske aınaldyrýǵa, qurmetti oqyrman sizderdiń de úlken qoldaýlaryńyz kerek! Siz bolyp, biz bolyp, qazaq sóziniń, qazaq oıynyń, qazaq múddesiniń bıikteı berýine qyzmet eteıik!» dep jazylǵan saıt mazmundamasynda.

«Qamshy» portaly «Qazaq Times» saıtyna shyǵarmashylyq tabys tileıdi!