Fete Hamıl(AQSH)
Olar úsh boıjetken, úsh bozbala 34-shi jol avtobýsyna azyq-túlikterimen qosa ishimdik jáne qaǵaz sýmkalaryn salyp, Florıda shtatynyń Fort Laýdrlıl qalasyna barýǵa jolǵa shyqty. Olardyń baǵyty teńiz qaırańynyń jaǵasyna baryp saıahattaý edi. Bul shaqta Nú-Iorktyń salqyn kóktemi ketip, jaıdarly jazy kele bastaǵan bolatyn. Olarmen birge avtobýsǵa shyqqan Ýıngo aldyńǵy oryndyqqa kelip otyrdy. Tez qarqynmen zaýlaǵan avtobýs ilezde nújersı qalasynan otyp úlgirdi .olar únsiz otyrǵan saparlastary Ýıngoǵa sóılemekshi edi, biraq únsiz kúıde otyrǵan Ýıngo eshqandaı yńǵaı bildirmedi. Shań-tozań basqan betinen onyń jasyn aıyrý qıyndaý, al ústine kıgen qońyr shıneli oǵan múlde jaraspaǵan, arbıǵan saýsaqtary temekiniń sarǵyshynan sarǵaıyp ketken edi. Ol ernin jymyrǵan kúıi quddy ne bolǵanyn bile almaǵan jandaı áli de únsiz kúıde otyr. Ymyrt úırile bergende avtobýs hovard jonson taǵamjaıynyń aldyna kelip toqtady. Osy kezde Ýıngodan basqa jolaýshylar avtobýsdan túse bastady. Jastar jaǵy jol boıy únsiz kelgen saparlastary Ýıngonyń jaǵdaıyn bilgileri keldi. Bálkim ol teńiz kapıtany bolǵan bolý kerek, bálkim ol áıelinen aıyrylǵan jalǵyz bas pende shyǵar nemese úıine oralǵan qart soldat pa degen kúdikti oılar olardy jıi mazalady. Sálden soń olar avtobýsǵa qaıta shyqqanda aralaryndaǵy bir jas qyz tosattan Ýıngomen áńgimeleskisi keldi de onyń aldyndaǵy oryndyqqa otyra salyp sóz bastady: – Biz Florıdaǵa bara jatyrmyz, sizde sonda barasyz ba? – Bilmeımin. – Men Florıdaǵa baryp kórmeppin, estiýimshe ol jer kórkem de kelisti jer deıdi . – Solaı shyǵar, - dedi Ýıngo úni báseń shyǵyp . – Siz sol jerde turasyz ba? – Iá, men sol jerdegi Djekslnıl bazasynda teńiz áskeri bolǵanmyn. – Araq ishesiz be? - dedi qyz. Ol kúlimsiregen beınemen qyz bergen araqty alyp qaýyp bir urttady da, qyzǵa rahmetyn aıtyp qaıtadan únsiz kúıge aýysty. Sálden keıin qyz orynna qaıtqan soń Ýıngo qalǵyp ketti. Manaýrap tań atysymen olar bir-birin oıatyp tańǵy as ishýge daıyndaldy. Ýıngo bul sátte áldeqashan taǵamjaıǵa kelip alǵan edi. Álgi jas qyz Ýıngony asty birge otyryp ishýge shaqyrdy, biraq Ýıngo daıashyǵa qara kofe buıyrtyp, temeki shegip óz oıymen ózi ábiger. Al jastar jaǵy teńiz qaırańy jaǵasynda rahat uıyqtaǵan áserlerin kóńildi áńgime etip jatty. Sálden soń avtobýs qozǵalǵanda álgi qyz taǵy da Ýıngonyń qasyna kelip otyrdy. Arada sút pisirymdaı ýaqyt ótkende aýyr kúrsingen Ýıngo óz keshirmelerin oǵan aıtyp berdi. Aldymen ol ótken tórt jylda Nú-Iorkta túrmede jatyp, qazir bosap úıine qaıtyp kele jatqanyn áńgimeledi . – Úılendińiz be? – Bilmeımin. – Nelikten bilmeısiz? – Men túrmedegi kezimde áıelime hat jazyp, eger ol menimen jalǵasty úı ustaýǵa sharasyz qalyp, basqa bireýmen nekelený oıy bolsa, ári ol turmystyń soqqsyna shydaı almasa, balalarymyz ákemiz qaıda dep surap mazasyn ala berse meni umytyp ketip basqa bireýmen nekelenýine qosylatyndyǵymdy, ári maǵan budan bylaı hat jazbaýyn aıtqanymyn. Biraq kerisinshe ol tórt jyldan beri meniń keler jolyma úmit kózimen qaraýmen ómir ótkizip keldi. Eshqashan maǵan hat jazýdan jalyqqan emes. – Onda siz búgin úıińizge qaıtatyn shyǵarsyz? Nege bilmeımin deısiz? – Iá, dedi ol yńǵaısyzdanǵan beınede. Aldyńǵy aptada meniń túrmeden shyǵýym turaqtanǵan soń men oǵan hat jazyp eger ol basqa bireýmen nekelengen bolsa ony túsinetindigimdi, bolmasa meni áli de kútip otyrǵan bolsa men kóp ótpeı úıge qaıtatyndyǵymdy aıytqanmyn. Biz buryn Bransvık aýylynda otyrǵanbyz, aýylǵa kire beris jerde bir úlken kaýchýk aǵashy bar bolatyn. Men oǵan ol meni áli da tosyp otyrǵan bolsa álgi kaýchýk aǵashynyń basyna sary torǵyn baılap qoıýyn, sary torǵyn kórinse men avtobýstan túsip úıge qaıtatyndyǵymdy, eger sary torǵyn kórinbese jalǵasty óz jolyma kete beretindigimdi eskertkenmin . – Ýoý, - dep áserlengeninen qatty aıǵaılap jibergen qyz Ýıngonyń áńgimesin joldastaryna aıtyp berdi. Qatty tolyqyp ketken Ýıngo olarǵa úsh balasymen jáne áıelimen birge túsken sýretti kórsetti. Osy sátte Ýıngomen birge qatty tolqyǵan avtobýsdaǵylardyń barlyǵy Bransvık aýylyna tezirek jetýge asyǵyp kele jetti. Olar qazir Bransvık aýylynan 20 shaqyrym qashyqtyqta edi. Osy kezde avtobýsdaǵy birneshe jastar oń jaq oryndyqtyń tereze jaǵyna kelip jaıǵasyp, kaýchýk aǵashyn tezirek kórýge taǵatsyzdanyp kele jatty. Kóńil-kúıi astań-kesteń Ýıngo tezeze jaqqa qaraýǵa batyly barmaı, beıne alda kezdesetin úmitsizdikke belin bekem býǵandaı jabyrqaý kúıde otyr edi. Avtobýs Bransvık aýylyna jaqyndap keledi. Jıyrma shaqyrym... on shaqyrym... bes shaqyrym... Sálden soń avtobýsdaǵy jastar oryndarynan túregelip, shyńǵyryp, aıǵaılap, tipti keıbiri áserlengeninen jylap ta jiberdi. Tek júdeý kóńil Ýıngo ǵana áli de únsiz kúıde otyrǵan edi, kenet ol kaýchýk aǵashy japyraǵyna qaz-qatar baılanǵan sary torǵyndardy kórgende óz kózine ózi senbeı qaldy. Jalǵyz ósken kaýchýk aǵashynyń japyraǵy sary torǵynǵa tolǵan eken. Otyz nemese elý bálkim júz torǵyn shyǵar... Sary torǵyn baılanǵan kaýchýk japyraqtary quddy qarsy alamyz dep turǵandaı samal jelmen baıaý yrǵalyp tur. Júzderinen qýanysh baıqalǵan jastar áli de aıǵaılap keledi, olar Ýıngonyń qolyn kezek-kezek qysyp, qımastyqpen qoshtasty.
aýdarǵan: Dúısenáli Shámek
