Senatorlar aldynda Jemqorlyqqa qarsy agenttik tóraǵasynyń orynbasary Alık Shpekbaev «sheneýnikterdiń jalaqysyn eki esege ósirý arqyly jemqorlyqty joıý» týraly tosyn usynys aıtty. Onyń sózinshe Jemqor memlekettik qyzmetkerler sońǵy 2 jylda memleketke 48,5 mıllıard teńgege shyǵyn keltirgen.
«Grýzıada sheneýnikterdiń sanyn 3 ese azaıta otyryp, jalaqysyn 3 ese kóbeıtken. Biz Erǵojın myrzamen osyny máseleni talqylaǵan bolatynbyz. Qazaqstanda memlekettik qyzmetkerlerdiń sanyn 35 paıyzǵa azaıtsa, ákimshilik shyǵyndardy esepteı otyryp, eńbek aqysyn 2 esege kóbeıtýge bolady. Budan basqa jaǵdaı jasaý men memlekettik qyzmetke bekı túsýdiń basqa múmkindigi joq. Árıne, bul úshin tyńǵylyqty jumys júrgizý kerek. Muny biz joba retinde usynyp kórmekpiz. Bul arqyly barlyǵy ótken», - dedi QR memlekettik qyzmet isteri jáne jemqorlyqqa qarsy is-qımyl agenttigi tóraǵasynyń orynbasary Alık Shpekbaev.
Buǵan baılanysty qoǵamda narazylyq týyp úlgerdi, «Qamshy» portaly poshtasyna Qazaqstan Jýrnalıser odaǵynyń ardageri Jumat Ánesulynyń haty tústi, hatta ol úkimetke óz narazylyǵyn jarıalady:
QR ÚKİMETİNİŃ PREMERİ SAǴYNTAEV myrzaǵa,
QR MÁJİLİSİNE
(qarsylyq -protest)
Chınovnıkterdiń jalaqsyn eki ese ósirýge qarsymyn!
Bir ǵana "Samuryqta" (ı dochernıe) 600myń chınovnık bar desedi. Bárin qossańyz mınımalnyı zeınetaqy alatyn eńbek ardagerleriniń sanynan asyp ketedi eken. Sonda
jańa jyldan keıin mınımalnyı zeınetaqy alatyndar 40myń teńgemen kún kórip, chınovnıkterdiń jalaqysy mıllıonnan asyp tursa, bul qaı moralǵa syıady!
Halyqtyń tóleıtin salyqtan chınovnıktiń jalaqsyn kóterip, halyqtyń ózin "mýsorǵa" ıterýge bola ma! Mıllıonnan asatyn mınımalnyı zeınetaqy alatyndardy, qaıyr suraýǵa ıtermelemeı, olardyń áleýmettik jaǵdaıyn jaqsartýǵa Sizder mindettisizder. Mınımalnyı zeınetaqy alatyndardy 70-myń alatyn zeınetkerlerdiń zeınetaqysyna teńestirýdi talap etemin.
Chınovnıkterdiń jalaqysyn eki ese ósirýge qarsylyq bildiremin!
Solarǵa jumsalatyn qarjydan mınımalnyı zeınetaqy alatyndardyń jaǵdaıy jaqsartylsyn!
Chınovnıkterdiń eńbeaqysyn kóterýge jumsalatyn qarjy men mınımalnyı zeınetaqyny kóterýge qajet qarjyny esepteńiz! Halyqtyń áleýmettik jaǵdaıyn ınflásıanyń jaǵdaıyna sáıkes kóterip otyrý memlekettiń mindeti. Bul jaǵdaı Ata zańymyzda qarastyrylǵan.
