Jaqyn arada «Qamshy» portaly Daǵystandaǵy áıelderdiń súndetke otyrǵyzýy jaıly jarıalaǵan bolatyn.  Ol materıalda qyzdardyń delitkilerin kesip, súndetke otyrǵyzatyny jaıly sóz qozǵalǵan. Bul dástúr Sýmadın, Botlıh, Sýntın, Bejtın aýdandaryndaǵy taýly aımaqtarda áli de kezdesetin kórinedi. Qyzdar úsh jasqa deıin bul otadan ótý kerek eken, sırek jaǵdaıda 12 jasqa deıin. Mundaı ota túri qyzdar men áıelderdiń quqyǵyna qol suǵýshylyq bolyp tabylatyny jaıly  da aıtylǵan bolatyn. Óıtkeni qyzdardy súndetteý aýrýhanalarda emes, kóbine jasyryn jasalatyndyqtan arty qabyný men qansyraýǵa ulasady. Alaıda bul tájirıbeden ótken qyzdardyń psıhıkasynda aýyr iz qalǵany jaıly, stresske shaldyqqany jaıly maqalamyzda aıtylady. Osy taqyryp boıynsha pikir bildirgen Soltústik Kavkazdaǵy musylmandardyń úılestirý ortalyǵynyń basshysy Ismaıl Berdıev Reseıdegi barlyq áıeldi súndetke otyrǵyzýǵa úndedi.

«Álemde jezókshelik, oınas bolmaýy úshin barlyq áıeldi súndetke otyrǵyzý kerek», – dep málimdedi mýftı «Interfakske» bergen suhbatynda. Ol Daǵystannyń keıbir aımaqtarynda bul dástúr saqtalǵanyn aıtty. Oǵan qosa, Berdıevtiń sózinshe, Islam qyzdardy súndetke otyrǵyzýdy jaqtamaıdy, alaıda áıelderdiń seksýaldyǵyn tómendetý kerek eken.  – Eger bul barlyq áıelderge qoldanylǵanda tipti keremet bolar edi. Qudaı áıelderdi bala týýǵa jáne olardy tárbıeleý úshin jaratty. Al, súndettelýdiń oǵan eshqandaı qatysy joq. Áıelder budan bala týýyn toqtatpaıdy. Al, kerisinshe buzylǵandylyq azaıatyn edi», – dep mýftı sózin qorytyndylady.