«Qamshy» portaly buǵan deıin Áleýmettik jelilerde túrkıalyq eki sarbazdyń órtegen sáti kórinetin vıdeo taralǵany týraly jazǵan bolatyn.  

Túrkıa Premer-mınıstriniń orynbasary DAISH lańkesteriniń eldiń eki áskerin órteý týraly 19 mınýttyq vıdeony jalǵan dep atady.

ParsToday taratqan málimet boıynsha, Túrkıa Premer-mınıstriniń orynbasary Nýman Kýrtýlmýsh: «Bul vıdeo  qaýeset taratý arqyly túrikterdi álsiretýdi maqsat etken. Kórsetilgen beınematerıal rastalmaıdy»,- dep málimdedi.

Kýrtýlmýsh sonyen birge DAISH lańkestik tobynyń áleýmettik jeliler arqyly úreı týdyrý áreketterin qatań aıyptady.

Budan buryn halyqaralyq lańkestik organdardy zertteıtin uıym Tvıtterdegi paraqshasynda DAISH takfirshil lańkestik tobynyń Túrkıanyń eki áskerıin órtegeni týraly  beınematerıaldyń taratylǵany týraly habarlaǵan bolatyn.

Osy málimetterge sáıkes Túrkıanyń eki áskerıi shamamen eki apta buryn ál-Bab  aımaǵynda DAISH lańkestik tobynyń tutqynyna túsken. DAISH-tyń Sırıada eki túrik áskerıin órteýi týraly vıdeo taratylǵan soń Túrkıa basshylary elde áleýmettik jelilerdi japty.