Reseıdiń Damask qalasyndaǵy elshiligine shabýyl jasaldy, - dep habarlaıdy «Qamshy» portaly RF SİM aqparat jáne baspasóz departamentine silteme jasap. 

28 jeltoqsanda kúndizgi ýaqytta Reseıdiń Sırıadaǵy elshiliginiń terıtorıasyna eki jarylǵysh zat túsken. Jarylǵysh zatpen shabýyl Máskeý ýaqytymen 13:00 jáne  13:19 saǵattarynda jasalǵan. Jarylmaǵan mınany zalalsyzdandyrýǵa saperler kelgen. «Jarylmaı qalǵan bir mına reseılik dıpmıssıanyń ákimshilik ǵımaratynyń aýlasyna túsken. Ekinshisi onyń mańyna túsken», - delingen RF SİM habarlamasynda.

«Reseıdiń Damask qalasyndaǵy dıpmıssıasyna jasalǵan shabýylǵa baǵa berilip, terorızm qaterine qarsy turatyndardyń tarapynan qatań aıyptalýy kerek», - dep esepteıdi SİM.

Aıta keter bolsaq, osydan 10 kún buryn, 19 jeltoqsanda Reseıdiń Túrkıadaǵy elshisin atyp ketken edi. Al, osy Shamdaǵy elshilikke qazan aıynda da mınometpen oq jaýdyryp ketken bolatyn.

Al, keshe ǵana Reseı men Túrkıa Sırıadaǵy shıelenisti toqtatý týraly bitimge kelgen bolatyn.