Túrkıadaǵy Reseı elshisiniń óliminen keıin elshige baılanysty jańalyq kórsek shoshıtyn boldyq. Elshiniń habarsyz ketkendigi jaıly aqparatty onyń jubaıy habarlap aıtqan bolatyn. Amırıdıstiń áıeli qansha kúnnen beri kúıeýiniń telefonǵa jaýap bermeı jatqanyna qatty alańdaýly dep habarlaıdy "Qamshy" portaly.

Brazılıadaǵy Grekıa elshisi Kırıakos Amırıdıs Rıo-de-Janeıroǵa rojdestvolyq demalysyn ótkizýge kelipti. Ony sońǵy ret jeltoqsannyń 26-y kúni kóripti, ol sol kúni óziniń sońǵy sms hatyn jibergen dep málimdeıdi  Globo telearnasy. Demalysy jospar boıynsha 9 qańtarda aıaqtalýy kerek edi.

Dıplomattyń máselesimen búgingi tańda jergilikti polısıa, kisi óltirý isin zertteıtin bólim aınalysyp jatyr. Jergilikti bılik bolsa kómekti qarapaıym halyqtan suraýda. Grekıa elshiligi bul jóninde eshqandaı málimdeme jasamaı otyr.

Kırıakos Amırıdıs elshilik qyzmetine 2016 jyldyń qańtarynda kirisipti.  2001 men 2004 jyldar aralyǵynda ol Rıodaǵy Grekıanyń bas konsýly laýazymyn atqarǵan.