Onyń esimi de, ata-anasy da, tipti ózi de joq deýge bolady. Ol eshteńege qaramastan tiri qalǵan tastandy bala. Bul kip-kishkentaı tiri jannyń salmaǵy nebári 940 gram. Ol taǵy 3 aıdan kem emes ýaqytta ana qursaǵynda bolýy kerek edi. Alaıda 14 apta bolǵan balasyn túsirý úshin 25 jasar qyz qytaı dárilerin ishe bastaǵan.
Balasy ishinde qımyldaǵannyń ózinde ony ýlaýyn toqtatpady. 26 aptada uryq anasynan, onyń aǵzasynan alynyp tastaldy. Oǵan qaramastan ol tiri qaldy. Balanyń ómirlik mańyzy bar músheleri áli jetilmegen. Sondyqtan onyń ómiri tolyqtaı plasıkalyq kúvezge táýeldi. Kúrdeli medısınalyq apparat kishkentaı aǵzany aýamen toltyryp, tońyp qalmaýyn qamtamasyz etip otyr. Sábı ózdiginen jutyna almaıdy. Sondyqtan medbıkeler bala shashalyp qalmaýy úshin katetermen odan artyq sýdy soryp alyp otyr. Balanyń dúnıe esigin ashqanyna 7 kún boldy. Endi taǵy bir táýlikti aman-esen ótkerse ony «bala» sanatyna jatqyzýǵa bolady. Iaǵnı sábıge at qoıylyp, týý týraly kýálik beriledi. Reanımasıa bóliminiń meńgerýshisi Ekaterıana Fedchenko sábıdi birneshe aı boıy ýlasada damýynda eshqandaı kinárát joq ekenin aıtady. Ol táýlik boıy medısına qyzmetkerleriniń baqylaýynda. Onyń anasy uryq alynyp tastalǵannan keıin, aýrýhanadan qashyp ketken. Ol qujat túrinde baladan bas tartpady. Sondyqtan ony eshkim asyrap ala almaıdy. Nátıjesinde ul bala kámelet jasqa tolǵansha balalar úıinde bolady.
Materıal áleýmettik jeliden alyndy
