Qyrǵyzstan prezıdenti osy eldiń Konstıtýsıasyna engizilgen ózgertýlerge qol qoıdy.

Qyrǵyzstan prezıdenti ákimshiliginiń baspasóz ortalyǵy bıylǵy jylǵy 11-shi jeltoqsan kúngi referendýmnyń nátıjesinde halyq tarapynan rastalǵan osy eldiń Konstıtýsıasyna engizilgen ózgertýlerdiń 2017 jyldyń 15-shi qańtardan bastap kúshine engiziletinin habarlady. Osy zańdy oryndaýdyń maqsaty ózgertýler engizý, táýelsizdik pen egemendikti nyǵaıtý, parlamenttiń bıligin ulǵaıtý, zań shyǵarýshy jáne atqarýshy bılik arasyndaǵy yntymaqtastyq qaǵıdasyn aıqyndaý bolyp tabylady.

Qyrǵyzstan prezıdenti osy zań kúshine engizilgennen keıin 14 kúnniń ishinde Qyrǵyzstan Konstıtýsıasynyń resmı mátinin referendým ótkennen keıin engizilgen ózgertýlerdi basshylyqqa alyp, halyqqa usynýy tıis.

Aıta ketsek, Qyrǵyzstan ortalyq saılaý jáne referendým ótkizý jónindegi komısıasynyń aldyn ala málimetteri boıynsha, jeltoqsannyń 11-i kúni ótken referendýmge qatysqan saılaýshylardyń 80 paıyzǵa jýyǵy konstıtýsıaǵa ózgertýler engizýdi qoldaǵan.

Referendýmge barlyǵy 30-dan astam ózgertýler daýysqa qoıylǵan edi. Referendým nátıjesine saı, Qyrǵyzstanda, máselen, úkimet jetekshisiniń quzyreti keńeıtiledi. Ol mınıstrlerdi qyzmetke taǵaıyndaý jáne bosatý máselesin prezıdent pen jergilikti keńeshterdiń maquldaýynsyz jeke ózi sheshetin bolady. Sonymen birge ol búdjettiń shyǵys bóligin ulǵaıtatyn zań jobalaryn bógeý quqyǵyna ıe bolady. Buǵan qosa premer-mınıstr men onyń orynbasarlary otstavkaǵa ketkennen keıin parlamentke oralyp, depýtattyq mandattaryn saqtap qalmaq.

Qyrǵyzstan prezıdentine konstıtýsıalyq sot quramyna kandıdattar usynýǵa jáne, eger parlamenttiń úshten ekisi qoldaý bildirse, sýdıalardy qyzmetten alýǵa quqyq beriledi.

Konstıtýsıaǵa engizý usynylǵan ózgertýler arasynda bir jynystylar arasyndaǵy nekege tyıym salý jáne halyqaralyq normalardyń ulttyq zańnan basymdyǵyn joıý da bar.