Rım Papasy Fransısk alǵash ret óziniń ólimi jaıynda kópshilik aldynda sóz qozǵady. Baq.kz-tiń habarlaýynsha, pontıfık jýrnalıserge bergen suhbatynda 2-3 jyl kóleminde dúnıe salatynyn aıtqan. 

Ońtústik Koreıadan Vatıkanǵa qaıtqan saparynda Rım Papasy ushaqta otyryp tilshilermen áńgimelesken. Ataq-abyroıǵa baılanysty qoıylǵan suraqqa 77 jastaǵy din ókili: "Men nápsime erik bermes úshin ózimniń ómirde jasaǵan qatelikterimdi, kúnálarymdy jıi oılaımyn. Óıtkeni, ataq pen abyroıdyń ýaqytsha ekeni belgili. Endi eki-úsh jyldan keıin men arǵy dúnıege attanamyn" degen. Ol sondaı-aq, ózine júktelgen mindetterdi oryndaýǵa shamasy kelmegen jaǵdaıda taqtan bas tartatynyn málimdedi. 

Aıta ketetin bolsaq, Rım papasy Vatıkannyń bıleýshisi. Vatıkan Eýropada ornalysqan, bir qaladan turatyn álemdegi eń kishkentaı el. Rım katolık shirkeýiniń ortalyǵy bolyp tabylady.  Vatıkan qala-memleketi – katolık shirkeýiniń ortalyǵy ǵana emes Rım papasy ornalasqan meken. Vatıkan azamattyǵyn tek jeti júzdeı adam ǵana alǵan. Resmı tilderi: latyn jáne ıtalıan tilderi. Vatıkan – absolútti teokratıalyq monarhıa. Memleket basshysy – Rım papasy. Onyń qolynda barlyq bılik (zań shyǵarý, atqarý, sot tóreligi) shoǵyrlanǵan. Buǵan qosa Rım papasy syrtqy eldermen qarym-qatynasty da jeke ózi sheshedi. 

Qamshy-aqparat