Osydan biraz jyl buryn aqparattyq keńistikte  «ındıgo balalar» degen termın paıda bolǵan bolatyn. Indıgo balalar  eshkimge uqsamaıtyn kók tústi aýra shashyp turady jáne ony tek qana ekstrasensorlyq qabileti bar adamadar ǵana kóre alatyn kórinedi.

  Indıgo balalardyń nemese výnderkınd balalardyń ózgelerge uqsamaıtyn ereksheligi – minez-qulyqtary aýyrlaý, til almaıtyn, renjigish bolyp keledi eken,  biraq osyǵan qaramastan keremet talantqa ıe.

Shyn máninde solaı ma?

Shyndyǵyna kelgende, dúnıege kelgen kez-kelgen bala «ındıgo» bolyp tabylady. Árbir balanyń talantty bolyp jetilýine múmkindik  bar. Iaǵnı, bári birdeı múmkindikke ıe.

Psıhologtardyń aıtýynsha, ındıgo nemese výnderkınd balalar týyla sala, osy qasıetterge ıe ekendigin kórsetýge múmkindikteri joq. Osy talantty, potensıaldy ashýda ata-ana róli úlken mańyzǵa ıe.

Álemdegi tanymal výnderkınd balalar qataryna toqtalatyn bolsaq:

Akrıt Pran Iasval Indıa turǵyny. 8 jasynda alǵashqy hırýrgıalyq operasıa jasaǵan. 12 jasynda Medısınalyq Ýnıversıtetke túsken. Búgingi kúni ol qaterli isiktiń emin izdeý jumystaryn júrgizýde.

Mıkaela Iren Fýdolıg Fıllıpın Ýnıversıtetine 11 jasynda túsip,16 jasynda ony aıaqtaǵan. Qazirgi kezde ekonofızıka ǵylymy aıasynda sol ýnıversıtettiń profesory bolyp qyzmet atqarady.

Mark Tán Boedıhardjo Gonkongta dúnıege kelgen. 9 jasynda Gonkong Ýnıversıtetine túsken. Qazirgi ýaqytta 2 dıplom ıegeri. Matematıka fılosofıasy aıasynda bakalavr men magıstrant deńgeıi men qosa AQSH-ta bilimin jetildirip jatyr. 

Balany kishkene kezinen bastap, oıyn túrinde  bilimge, ǵylymǵa qyzyǵýshylyǵyn ashý kerek. Sebebi bala boıynda ózi sezbeıtin, ata-anaǵa da beımálim potensıal bar.

Ǵylymǵa, bilimge úıretý kerek degen sóz balany ústel ústine otyrǵyzyp qoıyp, qınap oqytý degen sóz emes. Áripterdi kórsetip úıretýden bastap, býynǵa kóshý, vızýaldy effekt bolý úshin sýretter arqyly tamaq ústinde bolsyn, bos ýaqytta bolsyn  balaǵa áser etý.

Bala ýaqyt óte kele, sýretterge, aınalada bolyp jatqan oqıǵalarǵa ózi qyzyǵýshylyq tanyta bastaıdy. Dál sol kezde ata-ana tarapynan qoldaý men shydam talap etiledi.

«Mynaý ne? Anaý ne? Nege ol olaı?  Ne úshin?» degen sekildi standartty «bas aýyrtarlyq» suraqtar týyndaıtyn kezeńde balaǵa asyqpaı, bárin durys túsindirý kerek. Jas bala mıy- zerek, ashyq, barlyq materıaldy birden qabyldaıtyndyqtan suraǵynyń jaýabyn naqty ári shynaıy túrde túsindirý kerek.

Talantty emes balalar joq. Balany qınamańyz, óz erkinsiz oqytyp zorlamańyz. Qyzyqtyra bilińiz, balaǵa ózin-ózin jetildire alatyn orta jasańyz.

Ár adam- ındıvıd. Balańyzǵa erik berik, ózine sheshim qabyldatyp úırenińiz.

Tyńdap, kóńil bólińiz. «Ony saǵan bilýge erte» degen sıaqty kózqarastardan aýlaq bolyńyz.

Teledıdar, kompúter oıyndaryn múmkindiginshe qoldandyrmaýǵa tyrysyńyz. Bala psıhologıasy buzylatyn nárselerdi kórsetýden aýlaq bolyńyz.

Eń bastysy, kez-kelgen deni saý bala výnderkınd bolyp jetiledi, sondaı bolyp jetilýi tıis ekendigin umytpaý kerek. Oǵan tek azdaǵan sharttardy oryndasańyz bolǵany.

Nazerke Musa