Vladımır Pýtın Donesk Halyq Respýblıkasy jáne Lýgansk Halyq Respýblıkasynyń pasporttary Reseı  Federasıasynyń aýmaǵynda jaramdy degen jarlyqqa qol qoıdy. Osyǵan oraı Ýkraınanyń shyǵysyndaǵy ózderin bólek memleketpiz dep jarıalaǵan oblystyń turǵyndary jappaı jańa qujat alýǵa kirisip ketti. Bul jóninde 31.kz jańalyqtary habarlaıdy.

Pýtın jarlyǵy boıynsha Lýgansk pen Donesk oblystarynyń turǵyndary saıası ahýal túzelgenshe Reseı aýmaǵynda resmı túrde bilim alýǵa ári jumys isteýge quqyly eken. Mundaı múmkindikti paıdalaný úshin Ýkraınanyń 50 myńǵa jýyq azamaty tólqujatyn aýystyryp úlgergen.  Kreml óz áreketin zardap shekken aýdandardyń turǵyndaryna kómek kórsetý úshin  jasalyp otyr dep túsindiredi. Alaıda,  Ýkraına bıligi  Kremldiń separatısterdiń pasportyn moıyndaýy olardyń eki oblysty basyp alǵanyn moıyndaýmen teń dep,  Batysty Reseıge qarsy sanksıalardy kúsheıtýge shaqyrdy. 

PETR POROSHENKO, Ýkraına prezıdenti:

- Biz qazir janjaldy retteý jónindegi Mınsk kelisiminiń saqtalmaıtynyna kýá bolyp otyrmyz. Soǵysty doǵarý jónindegi rejımniń buzylýy bylaı tursyn, endi feık memlekettiń, feık qujaty da moıyndalyp otyr.