Shpekbaev memlekettik qyzmettegi eń paraqor vedomstvolardy atap bergen. Oǵan saı ákimdikter eń paraqor qurylymdar. Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttigi Tóraǵasynyń orynbasary Alık Shpekbaev málimdegen. Belgili bolǵandaı, ótken jyly Qazaqstanda memlekettik qyzmet boıynsha 500-den asa jemqorlyq fakti tirkelgen. Bundaı derekti keltirgen Shpekbaev Batysta jáne basqa da damyǵan elderde jemqorlyq faktisi tirkelgen jaǵdaıda bir ujymnyń túgeldeı jumystan ketetinin mysal etken.

«Eń kóp para alatyndar - ákimdiktegiler, ishki ister qyzmetindegiler, Aýyl sharýashylyǵy mınıstrligi, Qarjy mınıstrliginiń Memlekettik kirister departamenti. Osy qurylymdarda paraqorlyq jaılap tur, bularǵa qarsy eskertý men profılaktıkalyq sharalar qoldaný qajet», - dedi agenttik basshysy orynbasary Shpekbaev. 

Onyń aıtýynsha, munyń aldyn alý úshin memlekettik qyzmetterdi elektrondy formatqa kóshirý kerek jáne memlekettik qyzmette júrgenderdiń jalaqysyn ósirý qajet.  «Birinshi kezekte olarda ekonomıkalyq motıvasıa bolýy tıis. Jalpy sybaılas jemqorlyqqa qarsy kúres júrgizbegen basshylarǵa talapty kúsheıtip, shara qoldaný kerek», - degen. Onyń sózinshe eger de memqyzmetkerlerdiń 35 paıyzy qysqartylsa, onda ákimshilik shyǵyndardy da únemdeı otyryp, memlekettik qyzmetkerlerdiń eńbekaqysyn eki esege arttyrýǵa múmkindik bolady.

Aıta ketetin bolsaq, jaqynda ǵana jemqorlyq daýyna ilikken Ońtústik Koreıa prezıdenti Pak Kyn Hege el Parlamenti ımpıchment jarıalap, birneshe kún buryn eldiń konstıtýsıalyq soty ımpıchmentti maquldaǵan edi.