«Fakel» atty reseılik voleıbol klýbynyń oıynshysy Aleksandr Kımerevti aıaǵynyń uzyndyǵyna baılanysty Samara-Máskeý baǵytynda ushatyn áýe ushaǵynan túsirip jibergen. Bul týraly jýrnalıs Petr Kondakov óziniń Facebook paraqshasynda jazdy.
Aleksandr Kımırevtiń boıy 215 santımetr eken. Ol oryndyqqa syımaǵandyqtan basqa jolaýshymen oryn aýystyrǵan. Alaıda bul «Pobeda» áýe kompanıasy qyzmetkerine unamaı, ol sportshyny óz oryna qaıtaryp, keıinirek voleıbolshynyń aıaǵy jolserikterdiń júrýine kedergi keltirgenin aıtyp, komandırge shaǵym túsirgen.
Ushaqtyń ushý ýaqytysy 40 mınýtqa keshiktirildi. Bortqa polıseılerdi shaqyrǵan. Olar Kımerevti ushaqtan shyǵaryp jibergen. Bolǵan oqıǵa vıdeoǵa túsirildi. Vıdeo avtory "Pobeda" áýe kompanıasynyń óz erejeleri bar ekenin jáne klýb sportshynyń uzyndyǵyn eskerip, durys oryn tańdaýy kerektigin aıtqan.
