Reseılik telejúrgizýshi óziniń Qazaqstanǵa kelip semınar ótkizýine baılanysty jazylǵan halyqtyń ashýynan týyndaǵan pikirlerge jaýap berdi. Teris pikir jazǵan adamdardy «júıke-júıesi aýytqyǵan aýrýǵa» teńedi, dep jazady qamshy.kz.
Informbúro tilshisimen suhbattasý barysynda Solovev Qazaqstanda mindetti túrde semınar ótkizetnin aıtty. Tilshimen erip Radıslav Gandapas pen Roman Vasılenko syndy kásipkerler de kelmek. Olar «Qatań kelissózder nemese Kóshbasshy bolý - óner» taqyrybynda sheberlik saǵatyn júrgizedi.
«Bul heıterlerdiń bári – óz áleminde adasqan adamdar. Ýaqyttaryn tek óshpendilikpen ótkizedi. Ondaılardy psıhologıalyq turǵydan aýrý adamdarǵa jatqyzar em. Olar osyndaı ádispen óz attaryn shyǵyrǵylary keledi. Ondaılarǵa meniń túkirgenim bar, basqa adamdardyń basyndaǵy oılardy zertteýge ýaqytym da joq. Meni shaqyratyn da olar emes. «Qazaqstan – erkin memleket» degenge kúdikpen qaraıtyn boldym. Erkin memleket bolsa, basqa aımaqtan adamdardyń kelýine nege tyıym salady?» dep pikir bildirdi Solovev.
Onyń ústine áleýmettik jelide reseılik tilshiniń Qazaqstanǵa kelýine qarsy bolyp jazǵan pikirlerdiń sanynda esep joq. Reseılik azamattyń qazaqtarǵa aqyl aıtýyna olar túbegeıli qarsy.
Semınar ýaqytynda qandaı da bir tótenshe jaǵdaı oryn almas úshin semınar ótkiziletin ǵımaratta polısıa qyzmetkreleriniń bolýy mindetti. Solovev te sol polısıalarǵa senim artyp otyr.
«Daý shyǵarǵysy kelgender ózderi bilsin. Ondaı sátte Qazaqstannyń polısıa qyzmetkerleri óz isterin biledi dep oılaımyn. Onyń ústine, Qazaqstan Respýblıkasynyń prezıdenti men premer-mınıstrine degen qurmetim sheksiz, olardy erekshe syılaımyn. Memlekettiń ishki isterine aralasýdan aýlaqpyn. Meniń maqsatym – adamdardy oratorlyq sheberlikke úıretý. Eger kimde-kim bul oıǵany saıasılandyrǵysy kelse, onyń artynda úlken qarjynyń turǵandyǵy bárine belgili».
Aıta keteıik, Vladımır Solovev qazaqstandyqtarǵa kásipke bastar joldy kórsetedi. 12 saǵatqa sozylatyn 3 trenıń qatysýshy kórermenderge qatarynan ótkiziledi. Tilshi ol jerde jetistiktiń qupıalarymen bólisedi, sondaı-aq kásiptegi seriktesterimen kelissózder júrgizýdiń joldaryn ashyp kórsetedi.
