Qazaqstannyń týyn boıap tastaǵan patrıot týraly aqparat jalǵan bolyp shyqty dep habarlaıdy «Qamshy» portaly Baq.kz-ke silteme jasaı otyryp.

Quqyq qorǵaýshylar Qyzylordada Qazaqstannyń týyn boıap tastaǵan Reseı patrıoty júr degen aqparatty joqqa shyǵardy.

«Qyzylordada Qazaqstannyń týyn boıap tastaǵan Reseı patrıoty júr degen aqparat jalǵan. Bul oqıǵa ótken jyly, ıaǵnı 2016 jyldyń 6 qańtarynda jarıalanǵan. Sol kúni, ıaǵnı 2016 jylǵy 6 qańtarynda 191 DFA 05 memlekettik nómirli avtokólik júrgizýshisine qatysty QR Ákimshilik quqyq buzýshylyq týraly kodeksiniń 590-baby 5-bóligine sáıkes №0232120 sandy ákimshilik hattama toltyrylyp, 10 605 teńge aıyppul salynǵan. Búgingi kúnge, 2017 jylǵy 15 naýryzda mundaı derek tirkelmegen», dep málimdeme jasady Qyzylorda qalasynyń İİD.

Esterińizge sala keteıik, búgin portal betinde «Qazaqstannyń týyn óshirip, Reseıdiń eltańbasyn japsyryp alǵan júrgizýshi jurttyń shamyna tıdi» degen materıal shyqqan bolatyn.