QR-nyń cyrtqy İster mınıstrliginiń málimetinshe, Qazaqstan azamaty mártebesinen aıyrylǵan Karım Baratov Kanadada hakerlik shabýyl jasaǵany úshin ustalǵan dep habarlaıdy qamshy.kz  Zakon.kz-ke silteme jasap. Yahoo platformasyna shaýbyl jasady degen aıyppen ustalǵan eks-qazaqstandyq azamat 2011 jyly Qazaqstan azamattyǵynan aıyrylǵan.

Syrtqy İster Mınıstrligi Karım Baratov esimdi azamattyń Qazaqstan azamattyǵynan zań negizinde aıyrylǵanyn jetkizdi. Alaıda aqparattyń durys berilmeýi saldyrynan ony sheteldik BAQ qazaqstandyq dep qabyldap otyrǵan kórinedi.

AQSH bıligi 2014 jyly Reseıdi hakerlik shabýyl jasaǵany úshin aıyptaǵan bolatyn. Yahoo portalyna jasalǵan shabýyly nátıjesinde 500-ge jýyq akkaýnttar buzylǵan. Amerıkandyq resmı tulǵalar eki adamnyń tutqyndalǵanyn onyń ishinde Karım Baratov ta bar ekenin jetkizdi.

Baratovty Reseı azamaty dep aıyptaǵanymen, The Washington Post gazeti ony  Kanadada turyp jatqan qazaqstandyq dep jazǵan.  Hakerdi platformaǵa shabýyl jasap, aqparat urlaǵany úshin aıyptap otyr. Amerıkandyqtardyń aıtýynsha, bul áreket  Reseıge qajetti  jáne qupıa aqparattarǵa jol ashý maqsatynda jasalǵan shabýyl bolǵan.