Dımash Qudaıbergen Nú-Iorktegi Taıms Ckverdiń eń úlken basty led dıspleıinde kórsetilýi múmkin ekenin buǵan deıin habarlaǵanbyz. Álemdi talantymen tánti etken qazaqstandyq ánshi Amerıka jurtshylyǵyna tanystyryldy. Bul týraly Dımashtyń prodúseri Alpamys óziniń ınstagram paraqshasynda habarlady.
"Bul fotoshop emes! Bul álemniń eń ádemi qalalarynyń biri - Nú-Iork. 101 FM medıa ortalyǵy tanymal juldyzdar arasynda osy qurmetke ıe bolý úshin báıge jarıalaǵan. Qazaq balasyna álemniń túkpir-túkpirindegi jankúıerleri daýys berdi. Amerıkanyń tórinde Dımash Qudaıbergenniń sýreti mıllıondarǵa jarıa boldy! Taıms Skverdiń ekranynan qazaq ánshisin Amerıka halqy men qonaqtary kóre alatyn boldy" dep jazdy Alpamys.
Pikir qaldyrý