Búgin Qazaqstan armıasy – memlekettiń barlyq azamaty maqtanyshynyń máni, al áskerı qyzmet qurmetti jáne abyroıly bola aldy. Qazaqstan Respýblıkasy táýelsizdiginiń ótken jyldarynda bizdiń memleketimizdiń Basshysy - Qarýly Kúshterdiń Joǵarǵy Bas qolbasshysy Nursultan Ábishuly Nazarbaevtyń talmas qamqorlyǵy nátıjesinde shaǵyn, utqyr jáne jaýyngerlik ázir Qarýly Kúshter qalyptastyryldy, onyń negizi joǵary jaýyngerlik mashyqty  kórsete alatyn jeke quramnan turady.  

Qazaqstan Armıasy áskerge shaqyrý boıynsha da jáne kelisimshart boıynsha da aralas tásilmen jasaqtalady. Onyń is-qımylynyń barlyq salasyna álemdik tájirıbege negizdelgen eń jańa jáne ozyq tájirıbe engiziledi.   Jeke qurammen jasaqtaý, onyń ishinde áskerge shaqyrý da artta qalǵan joq.

Bul rette, 2017 jylǵy kóktemgi áskerge shaqyrý Qazaqstan Respýblıkasy Qarýly Kúshteriniń 25 jyldyǵyn merekeleý kezeńinde júrgiziletin bolady.

Osyǵan baılanysty óńirlerde jańa shaqyrylǵandardy armıaǵa saltanatty túrde shyǵaryp salýdy uıymdastyrý, áskerı ant qabyldaý dástúrin ashyq alańdarda, qalalar men aýdandardyń tarıhı mańyzdy jerlerinde  qoǵamnyń jáne BAQ-nyń toptaryn keńinen tarta otyryp ótkizý  josparlanýda.

Óıtkeni, áskerı-patrıottyq jumys ósip kele jatqan urpaqtyń bıik patrıottyq sezimin jáne memlekettiń óz Otanyn qorǵaýǵa ázir  azamatynyń adamgershilik qasıetin qalyptastyrýǵa yqpal etýi tıis. 

Sonymen birge, áskerı qyzmet bizdiń memleketimizdiń ulttyq egemendigin saqtaýdyń negizi boldy, bola aldy jáne bolady da. Tıisinshe, jastardy tárbıeleý jáne ony Otandy qorǵaýǵa daıyndaý memlekettik qurylymnyń da qoǵamnyń da eń mańyzdy mindeti bolyp tabylady.