«Qamshy» portaly oqyrman nazaryna 5 naýryz kúni Almatydaǵy Ahmet Baıtursynuly mýzeı-úıinde ótken Alash Arystaryna arnalǵan astan beınematerıal men fotosýretterden estelikti usynady. Vıdeony Álı Áleshuly, fotosýretterdi Ardaq Tóleýbaı túsirgen.

Asty «Qamshy» aqparattyq agenttigi uıymdastyrdy. Sondaı-aq astyń ótýine Ahmet Baıtursynulynyń ózi turǵan, qazaq ıntellıgensıasynyń izi qalǵan Baıtursynuly úıi-mýzeıiniń dırektory Raıhan Sahybekqyzy qoldaý bildirdi. Aıta ketsek, búgin Alash kósemi Álıhan Bókeıhannyń týǵan kúni. Sondaı-aq bıyl Alash Arystary atylǵan qandy «37»-ge de 80 jyl toldy. 

Asqa Prezıdent Ákimshiligi jetekshisi orynbasary Marat Tájın arnaýly quttyqtaý hatyn joldady. Asty tanymal jýrnalıs, Alash áskeri týraly zertteýler jasaǵan Bolat Múrsálim júrgizdi. Asqa jınalǵan qaýym aldymen Qazaqstan Musylmandar dinı basqarmasy bas múftıi Erjan Qajy Malǵajar uly Maıemerovpen birge Alash qaıratkerlerine, ǵasyr buryn Qazaqstannyń irgetasy Alash Orda avtonomıalyq memleketin qurǵan babalarymyzǵa quran baǵyshtady.

Asqa Alashtanýshy ǵalym Mámbet Qoıgeldi, Prezıdenttiń Parlamenttegi ókili Sabyr Qasymov, Almaty qalasy ákiminiń orynbasary Sultanbek Mákejanov, Alash Qaıratkerleriniń jarqyn ókili Muhtar Áýezovtiń uly, ǵalym Murat Áýezov, Álıhantanýshy ǵalym Sultanhan Aqquly, «Qazaqstan RTRK» basqarma basshysynyń orynbasary Qaınar Oljaı, Aqjol Partıasy tóraǵasy orynbasary, Qazaq úni gazetiniń bas redaktory Qazybek Isa, Qazaqstan Jazýshylar odaǵynyń basshysy orynbasary Maraltaı Raıymbek pen Janarbek Áshimjan, Turan ýnıversıtetiniń rektory Rahman Alshanov, sondaı-aq eldegi bedeldi BAQ ókilderiniń basshylary derlik Asqa keldi. Olardyń ishinde «Jas Alash» gazetiniń bas redaktory Rysbek Sársenbaı, «Jetisý» telearnasynyń bas dırektory orynbasary Serik Ábikenuly, «Aıqyn» gazetiniń bas redaktory Nurtóre Júsip, «Qazaq gazetteri» JSHS-niń bas dırektory-redaktorlar keńesiniń tóraǵasy Jumabek Kenjalın, «Ana tili» gazetiniń bas redaktory Samat Ibraım, «Asyl arna» telearnasynyń basshy Muhamedjan Tazabek, «Prezıdent jáne Halyq» gazetiniń Bas redaktory Marat Toqashbaevtar, sondaı-aq Tanymal jýrnalıser Serik Abas-shah, Arman Sqabyluly, saıasattanýshy Aıdos Sarymdar bar. Tarıhshy ǵalymdar Beıbit Qoıshybaı, Qaırat Saq, Nábıhan Muhamedjan astyń qurmetti qonaqtary boldy. Ári Asqa Torǵaı óńirinen, Shyǵys Qazaqstan oblysynan, Ońtústik Qazaqstan oblysynan resmı qonaqtar keldi.