Oral qalasynda iri kólik apaty oryn aldy. «Bolashaq» qurylys kompanıasynyń dırektory, Batys Qazaqstan oblysynyń máslıhat depýtaty Qaıdar Qoshanov jol kólik apatyna basty sebepker bolǵan, dep habarlaıdy BNews.kz, málimettiń qazaqsha nusqasyn «Qamshy» portaly oqyrman nazaryna usynady.

BQO İİD baspasóz qyzmetiniń málimdeýinshe, 29 naýryz kúni, shamamen tańǵy saǵat 10:00-de Toyota Land Cruiser 200 kóliginiń ıesi Qaıdar Qoshanov Samara-Tashkent tas jolymen kele jatyp «Lada 21073» kóligine jol bermegen, nátıjesinde eki kólik soqtyǵysyp, jeńil avtokólik jol jıeginde turǵan Audi B4 kóligine baryp soǵylǵan.

Jol kólik apatynyń saldarynan, «Lada» avtokóliginiń júrgizýshisi men qasyndaǵy jolaýshyny aýyr halde aýrýhanaǵa alyp barǵan. Audi B4 kóliginiń ıesi medısınalyq kómekten soń úıine jetkizildi.

«22 jastaǵy er adam mıyna qatty zaqym kelgendikten kóz jumdy. Al 63 jastaǵy áıeldiń súıekteri synǵan. Ol kisige ishinen qan ketip jáne ishki músheleri qatty zaqymdanǵan degen dıagnoz qoıylyp, zardap shegýshi aýyr jaraqattan qaıtys boldy», - dep habarlady hırýrgıalyq aýrýhana dırektorynyń orynbasary Quttymurat Jaqsyǵalıev.