30 naýryz kúni Ulttyq ekonomıka vıse-mınıstri Ábilqasymova M.E.  QR Májilis Parlamenti Qarjy jáne búdjet komıtetinde «Qazaqstan Respýblıkasynyń keıbir zańnamalyq aktilerine búdjet zańnamasyn jetildirý máseleleri boıynsha ózgerister men tolyqtyrýlar engizý týraly» QR Zańyn iske asryý taqyrybynda ótkizilgen dóńgelek stólinde baıandamasyn jasady dep habarlaıdy qamshy.kz.

Óziniń baıandamasynda UEM ókili depýtattardyń kóńilin «100 naqty qadam» - Ult josparynyń memlekettik josparlaý júıesin jetildirý maqsatynda nátıjege baǵdarlanǵan is-sharalaryna aýdardy.

Ásirese Ábilqasymova 2016 jyldan bastap Ult josparynyń 91- qadamy oryndalýy barysynda nátıjelerdiń derbes jaýapkershiligin qamtamasyz etý úshin, memlekettik organnyń birinshi basshysymen jáne Prezıdent Ákimshiliginiń Basshysy, Premer-Mınıstrmen mınıstrler jáne ákimder arasynda jasalǵan memorandýmdarda bekitilgen túıindi nysanaly ındıkatorlar engizilgenin atap ótti.

2015 jyly 92- qadam aıasynda memlekettik baǵdarlamar sany 10-nan 8-ge deıin qysqardy, 5 úkimettik baǵdarlama bekitildi, jańa memlekettik jáne úkimettik baǵdarlamalardy ázirleýge qoıylatyn talaptar kúsheıtildi.

Memlekettik organdar qyzmetin nátıjelerge baǵyttaý maqsatynda strategıalyq jospar, aýmaqtardy damytý baǵdarlamasy jáne búdjettik baǵdarlamasy qaıta pishimdeldi, sondaı-aq Respýblıkalyq búdjettik komısıanyń jumysy ózgertildi.

93 qadamǵa sáıkes Memlekettik apparattyń jumysyn baǵalaý júıesiniń jańa modelin engizý kózdelgen.

2017 jyldan bastap syrtqy táýelsiz baǵalaý ınstıtýty engizilýde, onyń ishinde memlekettik organdardyń jumysyn baǵalaý úshin qoǵamdyq keńester men táýelsiz sarapshylardy tartýdy, baǵalaý nátıjelerin ınternet-portalynda jarıalaý, baǵalaýdyń 5 baǵytyn 3 blokka deıin ońtaılandyrý kórsetiledi.