Qytaı zertteýshileri Baıqal kólinen Lanchjoý qalasyna deıin sý qubyryn júrgizbek, dep habarlaıdy agonia-ru, málimettiń qazaqsha nusqasyn "Qamshy" portaly oqyrman nazaryna usynady.
Qalalyq jáne aýyldyq josparlaý men dızaınerlik ınstıtýtynyń ǵalymdary Baıqal kólinen Qytaıdyń Lanchjoý qalasyna deıin sý qubyryn salýdy usyndy. Bul joba Gansý aımaǵyndaǵy aýyz sý máselesin sheshýge baǵyttalǵan.
Zertteýshilerdiń aıtýynsha, aýyz sýynyń jetispeýshiliginen ekonomıkalyq damý úderisi toqtap qalady. Atalmysh jobaǵa qatysty, 1720 shaqyrymǵa sozylǵan qubyrdyń salynýy Qytaıdyń soltústik-batysynydaǵy ekologıalyq jaǵdaıdy jaqsartady.
Reseılik ǵalymdar bul jobaǵa óz qarsylyqtaryn bildirdi. Sarapshy mamandardyń aıtýynsha, Baıqal kólinen Qytaıǵa sý júrgizetin qubyr tym qymbat ári ekonomıkalyq turǵydan óte tıimsiz bolyp tabylady.
Baıqal kóli Soltústik Sibirde ornalasqan jáne ol eń iri tabıǵı sý qoımasy bolyp otyr. Kólde birneshe myńdaǵan balyqtar men sý janýarlary mekendeıdi.
