1 sáýir kúni polıseı qyzmetkerlerimen ázildespek bolǵan batys Batys Qazaqstan oblysynyń turǵyny sottalyp ketýi múmkin, dep habarlady Terorızmmen kúres jónindegi oblystyq shtabtyń BAQ-pen baılanys toby 

1 sáýir kúni polısıaǵa áıel adam habarlasyp, kúıeýiniń poıyzda kepilge ustalyp otyrǵanyn habarlaǵan. Biraz ýaqyttan keıin qaıta qońyraý shalyp 1 sáýr kúnine baılanysty qaljyńdamaq bolǵanyn aıtady. Alaıda, quqyq qorǵaýshylar áıeldiń bul áreketin zańǵa qaısh dep eseptep, shara qoldaný kerektigin eskertti.

«Áıeldiń jeke basy anyqtaldy. Ázilqoı Batys Qazaqstan oblysynyń 30 jastaǵy turǵyny bolyp shyqty. Qazirgi ýaqytta bul derek boıynsha tergeý sharalary júrgizilip jatyr», — dep habarlady jedel shtabta.

Oǵan qatysty Qylımystyq kodekstiń 273-baby «Terrorlyq aktisi týraly jalǵan habar berý» boıynsha sotqa deıingi tergeý bastalǵan.

Zań boıynsha ol alty jylǵa deıin bas bostanadyǵynan aıyrylýy múmkin.