QR Joǵarǵy soty Baıan Esentaevanyń burynǵy kúıeýi Baqytbek Esentaevqa qatysty úkimdi qaıta qaraýdan bas tartty, dep habarlaıdy QazAqparat.

«QR Joǵarǵy soty sottalýshynyń advokaty men zardap shegýshi Baıan Esentaevanyń ótinish haty boıynsha Baqytbek Esentaevqa qatysty úkimdi qaıta qaraýdan bas tartty», - delingen elimizdiń joǵarǵy sot organynyń baspasóz qyzmeti taratqan aqparatta.

Esterińizge sala ketsek, ótken jyldyń  13 qarasha kúni Almaty oblysynyń qylmystyq ister jónindegi mamandandyrylǵan aýdanaralyq sotynda sýdıa Berikjan Baıjúnisov Baqytbek Esentaevqa qatysty sot úkimin jarıa etti. Sýdıa Baqytbek Esentaevqa qatań rejimdegi kolonıada 9 jylǵa bas bostandyǵynan aıyrý týraly úkim shyǵardy. Alaıda, qos tarap sot úkimimen kelispedi. Appelásıalyq shaǵym túsirdi. Qorǵaýshylardyń pikirinshe, Baqytbek Esentaev óziniń burynǵy áıelin óltirýge oqtalmaǵan.

B. Esentaev QR QK-niń 24-bap 3-bólimi, 99-baptyń 2-bólimi 10-tarmaǵy (zorlaýmen nemese seksýaldyq sıpattaǵy zorlyq-zombylyq áreketterimen ushtasqan adam óltirýge oqtalý) 120-baptyń 1-bólimi (zorlaý) 121-baptyń 1-bólimi (seksýaldyq sıpattaǵy zorlyq-zombylyq áreketteri) boıynsha aıyp taǵylǵan edi.