Madrıd qalasyndaǵy  Sagardi meıramhanasynyń qyzmetkerleri orys ultyndaǵy qyzdardyń saýyq-keshin uıymdastyrýyna ruqsat etpegen. Onyń basty sebebi, qyzdardyń orys ultynan bolǵandyǵy emes, mundaı kezdesýler atalmysh mekeme formaty úshin orynsyz dep tanyldy, dep habarlaıdy Facebook Grupo SAGARDI.

Onyń basty sebebin Sagardi meıramhanynyń ákimshiligi Feısbýk paraqshasyndaǵy tobynda jaýap berdi.

« Sagardi meıramhanasy bir de bir kelýshisin ultyna, násiline, dinine qarap kemsitpegen. Tek 22 jyl boıy ulttyq dárejedegi salt-dástúr men mádenıetti ustanatyn Baskstik azamattardan turatyn top. Sondaı-aq, taǵamdary da ulttyq ónimderden turady. Meıramhananyń seriktesteri, dostary men kelýshileriniń sany kóp. Onyń ishinde Madrıd, Barselona, London, Mehıko, Portý, Býenos-Aıres syndy qalalarda ornalasqan meıramhanalarda orys ultty dostary da bar» delingen SAGARDI tobynyń Feısbýktegi paraqshasynda.

Sondaı-aq, orys qyzdarymen arada týyndaǵan janjaldyń basty sebebi, olardyń uıymdastyrmaq bolǵan saýyq keshi meıramhananyń formatyna sáıkes kelmeıdi. Bar sebebi – tek sol ǵana eken.

Aıta keteıik,  Sagardi meıramhanasynyń qyzmetkerleri orys qyzdaryna saýyq keshin uıymdastyrýǵa ruqsat etpegen. Nátıjesinde uıymdastyrýshylar «Madrıd turǵyndary Reseıden kelgen azamattardy jaqtyrmaıdy dep» polıseı qyzmetkerlerine aryz jazady. Bul jaǵdaıdan keıin baskstik  meıramhananyń ıesi qyzdardan keshirim suraıdy. Alaıda, saýyq-keshin uıymdastyrýshylar báribir basqa ǵımaratta ótkizedi.