Jelide jetimder úıiniń túlekteri Ystambul qalasyndaǵy álemge belgili meshittiń janynda qazaqtyń qara dombyrasymen kúı oryndaǵan vıdeosy taraldy. Ony Venera Esimova esimdi Facebook qoldanýshysy Aıbek Esimovty belgilep «Seni jáne oqýshylaryńdy maqtan tutamyn» dep jazyp, jarıalaǵan.

«Festıválge barǵanda, Ystambul qalasynda eki kúnge toqtaýǵa múmkindik týdy. Osman ımperıasynyń burynǵy astanasynyń tarıhy, sáýleti, ádemiligi bizdi rýhtandyryp, ashyq aspan astynda meshittiń janynda daıyndyq jumystaryn júrgizdik.  Men árqashan óz oqýshylarymdy óz Otanyn maqtan tutýdy, óz eliniń patrıoty bolý kerektigin aıtyp otyramyn. Qazaqstannyń kók týyn bıikte ustaýdy qalaımyn. Biz qazaqtyń kúıin áýejaıda, saıabaqta, qonaq úıde, asqanada jáne t.b. múmkin jerlerdiń barlyǵynda oryndadyq. Biz festıválge daıyndalǵanymyzben sheteldikterdi qazaqtyń baı mádenıetimen tanystyrdyq» dep jazdy Aıbek Esimova.

Ystambulda kúı oryndaǵanda kún sýyq bolǵanyn jáne jańbyr jaýyp turǵandyqtan jastardyń kúıdi óz deńgeıinde oryndaı almaǵanyn da eskertti.