Búgin Almatynyń Qylmystyq ister boıynsha mamandandyrylǵan aýdanaralyq sotynda BTA bankiniń burynǵy basshysy men qarjy ınstıtýtynyń burynǵy top-menedjerlerine qatysty sot otyrysy bastaldy.

Muhtar Ábilázovtyń sybaılastary óz kinálaryn moıyndady, dep habarlaıdy informburo.kz tilshisi.  Aıyptalýshylar – BTA bankiniń burynǵy top-menedjerleri: Jaqsylyq Járimbetov, Qaırat Sadyqov, jáne Sádýaqas Mámesh. Qorǵaýshylar sottyń eń basty aıyptalýshysy Muhtar Ábilázovsyz ótýine qarsy bolǵan joq.

Sot otyrysynda Jaqsylyq Járimbetov ózine taǵylǵan aıypty tolyq moıyndady. Al, Sadyqov pen Mámesh QR Qylmystyq kodeksiniń babyndaǵy kórsetilgen aıyptaýǵa ishinara kelisti.
Bul jaıynda olar Almaty qalasy Qylmystyq ister jónindegi mamandandyrylǵan aýdanaralyq sot tóraǵasy Martpek Kákimjanovtyń qoıǵan suraǵyna jaýap berý barysynda aıtty.

Prokýratýranyń málimdeýinshe, Ábilázovtyń 12 bólmesi bar londondyq jekejaıda tyǵylǵany belgili boldy. Sondaı-aq Almatynyń eks-ákimi Vıktor Hrapýnovtyń kómegimen satpaq bolǵan Nú-Iorktegi jyljymaıtyn múliktiń  Ábilázov pen onyń týystaryna tıesili ekeni anyqtaldy.