Búkil álemdegi qoldanýshylar 11 sáýirde tegin Windows 10 Creators Update jańartylǵan nusqasyna qol jetkizbek

Almaty, 2017 jyldyń 3 sáýiri. Jańartylǵan nusqada shyǵarmashylyq quraldarǵa qosa, Microsoft Edge jańa fýnksıalary, qaýipsizdik pen qupıalyqty saqtaýǵa arnalǵan qosymsha t.b. kóptegen múmkindikter paıda bolyp otyr. Creators Update árbir qoldanýshyǵa 3D tehnologıasy men aralas shyndyqty qoldanýǵa jáne de árbir geımerge (oıynshy) strımer (óz oıynyn beıne arqyly taratýshy) bolýǵa múmkindik berý, shyǵarmashylyqpen aınalysý múmkindigin usyný, olardyń áleýetin ashý úshin jasap shyǵaryldy.

Barlyǵyna arnalǵan 3D jáne aralas shyndyq

Creators Update nusqasyndaǵy jańa Paint 3D qosymshasy 3D-obekterdi ońaı jasap, olardyń túsin ózgertýge, tekstýralardy qosýǵa, 2D-obekterdi 3D-obekterge aınaldyrýǵa múmkindik beredi. 2020 jylǵa qaraı 3D-ındýstrıa kólemi 62%-ǵa artady dep kútilýde, sondyqtan Microsoft árbir adamǵa Creators Update kómegimen kólemdi obekterdi jasap shyǵaryp, 3D álemine qol sozýǵa múmkindik berýdi kózdep otyr.

Windows 10 Creators Update fızıkalyq jáne vırtýaldyq álem arasyndaǵy shekarany alyp tastap, 3D álemine, aralas shyndyqtyń ortasyna túsýge arnalǵan san alýan tehnologıalardy usynyp otyr. Acer, ASUS, Dell, HP jáne Lenovo kompanıalary aralas shyndyqqa qol jetkizýge múmkindik beretin Windows Mixed Reality tehnologıasymen jumys jasaı alatyn qurylǵylardy tuńǵysh ret shyǵaryp otyr. Bul jańa qurylǵylar barlyq baǵyttarda erkindiktiń alty satysyn qamtamasyz etetin sensorlarmen jabdyqtalǵan. Ony kıý óte ońaı jáne de erkin qozǵalýǵa múmkindik beredi, qoldanýshynyń qımylyn baqylaıtyn syrtqy elementterdi nemese sensorlardy qabyrǵaǵa ornatýdyń qajeti joq. Qurylǵylardyń ınterfeısinde vırtýaldy álem ortasyna túsýge múmkindik beretin Windows Mixed Reality tehnologıasy jáne jańa qosymshalar bar. Jaqynda baǵdarlama jasaýshylar Windows Mixed Reality jıyntyǵy kómegimen osyndaı qosymshalardy jasaýǵa múmkindik alyp otyr.

Endi Windows 10 jańa nusqasynda oıyndardy tikeleı efırde taratýǵa múmkindik beretin tehnologıa ornatylǵan

Microsoft korporasıasy Xbox-ty Windows 10 jáne Xbox One qurylǵylarynda oınaýǵa jáne shyǵarmashylyqpen aınalysýǵa múmkindik beretin eń úzdik qurylǵyǵa aınaldyrýdy kózdeıdi. Endi Xbox Live, Xbox Play Anywhere  sekildi baǵdarlamalar arqyly Xbox-ty jáne derbes kompúterlerdi (DK) qoldanatyn geımerler bir ortada biriktirilip otyr. Máselen, Xbox Play Anywhere  baǵdarlamasy arqyly oıyndy bir ret satyp alyp, ony Xbox One qurylǵysynda jáne de Windows 10 ornatylǵan derbes kompúterde oınaýǵa bolady.

Creators Update jańartylǵan nusqasy Xbox One qurylǵysynda jáne de Windows 10 ornatylǵan kompúterde oıyn oınaý, ózara árekettesý, áserlermen bólisý úshin talaı múmkindikterdi usynyp otyr. Ónerpaz jandar Beam kómegimen naqty ýaqyt tártiptemesinde oıyndardy beıne arqyly taratyp, top múshelerimen ózara árekettese alady. Osy rette bul úshin qosymsha baǵdarlamalyq jabdyqtama nemese jabdyqty satyp alýdyń qajeti joq, onyń ústine Beam arqyly habar taratqan kezde beıne bir sekýndtan az ýaqytqa ǵana keshigýi múmkin. Endi Beam arqasynda oıyndardyń translásıasyn kórip qanaı qoımaı, sondaı-aq, toptaǵy múshelermen, strımerlermen jańa deńgeıde ózara árekettesip, qarym-qatynas qurýǵa, oıynǵa atsalysýǵa bolady.

Windows 10 oıyn rejimi aıasynda oıyn oınaýǵa úlken qor kólemi bólinetindikten, Windows 10 júıesi ornatylǵan kompúterlerde oınaý úshin sheksiz múmkindikter paıda bolyp otyr. «Oıyn rejimin» qosqan kezde, siz ony kez kelgen oıynda qoldana alasyz. Xbox One-nyń týra osyndaı jańa nusqasy men fýnksıalary jóninde myna jerden bilýge bolady .

Microsoft Edge: ǵalamtordy paraqtaý jáne oıyn-saýyqqa arnalǵan jańa fýnksıalar Microsoft Edge kitap oqý kezinde tańdaý birden túsetin Windows Dúkenindegi birden-bir braýzerge aınalyp otyr. Qazirgi tańda ǵalamtorda qaýipsizdikke nuqsan keltiretin qaterler sany orasan zor. Microsoft Edge Chrome** braýzerimen salystyrǵanda, fıshıngtik saıttarǵa 9%-ǵa jáne zararly baǵdarlamalyq jabdyqtamalarǵa (BJ) 13%-ǵa kóbirek tosqaýyl jasap, osylaısha qoldanýshylardyń jeke málimetteri men aqparattaryn qorǵaýǵa kómektesýde. Google kompanıasynyń óziniń ótkizgen testileý nátıjelerine sáıkes Microsoft Edge braýzeri Chrome-ǵa*** qaraǵanda jyldamyraq jumys jasaıdy. Qoldanýshylar ózderi jumys jasap otyrǵan betti jappastan, saqtap qoıylǵan qosymsha betterdi tabýǵa, ashýǵa, olardy retteı alýy úshin Creators Update jańa nusqasynda qosymsha betterdi basqarý múmkindikteri jaqsartylyp otyr.

Tolyq aqparat:

Windows 10 Creators Update nusqasynda qoldanýshylardyń ótinishi boıynsha mynadaı kóptegen múmkindikter men fýnksıalar paıda boldy:

• túngi rejimi (night light) ekran shyǵaratyn kókshil sáýleniń kólemin azaıtady, bul jaqsyraq uıyqtaýǵa múmkindik beredi, ıaǵnı túngi rejimde jumys jasaǵan jaǵdaıda, mıdyń túnde  tynyǵýy jaqsarady. Smartfondy qoldanýshylar osy fýnksıany unatatyndyqtan, endi ol Creators Update nusqasy bar Windows 10  júıesinde de paıda bolyp otyr.
• shaǵyn tereze rejimi (mini view) qoldanystaǵy terezelerdiń ústine shaǵyn terezeni qoıýǵa múmkindik beredi, onyń arqasynda, máselen, siz dál qazir qandaı ispen aınalysyp jatqanyńyzǵa qaramastan, onymen qatar serıaldy kórýge, Skype arqyly sóılesýge nemese mýzykanyń oınalýyn basqarýǵa bolady.

Windows 10 Creators Update jańartylǵan nusqasy arqasynda ata-analar ekran aldynda ótkiziletin ýaqytty shekteý fýnksıasyn endi Xbox One-da da qoldana alady, bul fýnksıa osyǵan deıin Windows 10-da qoldanylyp keldi. Ol balanyń kompúter nemese konsol aldynda ótkizetin ýaqyt mólsherin basqarýǵa múmkindik beredi. Ekran aldynda ótkiziletin ýaqytty shekteý fýnksıasy arqasynda ata-analar árbir bala úshin kúndizgi normany belgileı alady, al Xbox nemese Windows 10 ornatylǵan kompúter sol ýaqyt mólsheri bitken soń oıyndy avtomatty túrde óshirip tastaıdy. Sondaı-aq, árbir bala apta saıyn oıynǵa qansha ýaqyt jumsaıtynyn kórsetetin esepti Windows 10 júıesinde alýǵa bolady. account.microsoft.com/family siltemesi arqylyp ótip, qajetti baptaýlardy ornatýyńyzǵa bolady.

Windows Hello  «bir-birimen biriktirilgen» kez kelgen iPhone, Android nemese Windows Phone-dy qoldana otyryp,  qoldanýshynyń kompúterdi nemese planshetti qoldanbaıtyn kezin anyqtap, qurylǵyny avtomatty túrde sóndirýge múmkindik beredi. Osylaısha qupıalyqty qosymsha qorǵaýǵa bolady. «Remote lock» fýnksıasy smartfondarmen, fıtnes-bileziktermen, DK-men nemese planshetpen biriktirilgen kez kelgen qurylǵyda jumys jasaı alady.

Qaýipsizdik pen qupıalyqty saqtaý múmkindikteri keńeıtildi

Kompanıalar men jeke qoldanýshylar ózderin qorǵaý úshin qosymsha múmkindikterdi qajet etýde: qaýipsizdik salasyndaǵy sarapshylar zararly BJ jáne bopsalaýshy baǵdarlamalardyń jelide keń taralyp, al olarǵa qarsy kúresý jáne izine túsý qıyndap bara jatqanyn  aıtýda.

Creators Update jańartylǵan nuqasynda qaýipsizdikke monıtorıń júrgizý úshin Windows Defender (Windows Defender Security Center) atty jańa Qaýipsizdik ortalyǵy paıda bolady. Biryńǵaı basqarý paneli antıvırýs, faıervol, jelini qorǵaýdan bastap, qurylǵynyń hal-ahýaly men jumys ónimdiligin baǵalaý, qosymshalar men braýzerdiń qaýipsizdigin basqarý, otbasylyq qaýipizdik fýnksıalaryn basqarýǵa deıingi búkil qaýipsizdik qyzmetterin bir ekran betinde baqylaýǵa múmkindik bermek. Sondaı-aq, Creators Update nusqasynda korporatıvtik klıentterge arnap jańa quraldar men múmkindikter turaqty túrde paıda bolyp otyrady, olar aqparattyq tehnologıalar bóliminiń jumysyn jeńildetip, jańa BJ-ny endirýdi ońaılatýǵa, Windows 10 júıesi arqyly qurylǵylardy basqaryp, qoldanýǵa, qaýipsizdikke tónýi múmkin qaterlerdi jeńýge kómektesedi. 11 sáýirden bastap  Creators Update nusqasy Windows Jańartý ortalyǵy arqyly taratyla bastaıdy. Qoldanýshylar jańa múmkindikterge eń abzal túrde qol jetkizýi úshin Creators Update kezektilikti saqtaı otyryp, birtindep ornatylatyn bolady.