Polsha TÝ-154 ushaǵynyń apatqa ushyraýyna reseılik dıspecherlerdi kinálady. Bas prokýrordyń orynbasary Marek Poshenek Polsha prokýratýrasy Smolensk ushaq apatyna qatysty Reseı dıspecherlerine taǵylǵan aıypty alǵa tartty dep habarlaıdy Qamhsy.kz orystyń Kommesant basylymyna silteme jasap.
Oqyrmannyń esine salatyn bolsaq, Polsha úkimeti ushaǵynyń 2010 jyly 10 sáýir senbide Smolensk oblysynda apatqa ushyraǵan bolatyn.
Reseıdiń aýmaǵynda apatqa ushyraǵan Tý-154 ushaǵynda Polsha prezıdenti Leh Kachınskıı zaıybymen, sondaı-aq eldiń birqatar laýazymdy tulǵalary bolǵan. Leh Kachınskıı men onyń áıeli otyrǵan ushaq apatynan eshkim tiri qalmady. Polsha halqy ushaq apatynda qaza bolǵandardy joqtap, bir apta boıy aza tutty.
Smolenskige bara jatqanda apatqa ushyraǵan bul ushaqta barlyǵy 95 adam otyrǵan. 60 jastaǵy Leh Kachınskıı 2005 jyly Polshanyń prezıdenti bolyp saılanǵan edi. Kachınskıı Reseıdiń Smolensk aımaǵyndaǵy Katynge eske alý keshenine bara jatqan.
Aıta ketsek, 1940 jyly Katyn ormanynda NKVD-nyń qolynan myńdaǵan polák qaza tapqan edi.
