Jaǵa ustatar oqıǵa kezekti ret Qytaıda oryn aldy. 24 jastaǵy qyz óz úıiniń jertólesinde 6 jyl boıy qamalyp otyrǵan. Sondaǵy sebep, qyzdyń júrip júrgen jigiti ata-anasyna unamaǵan eken.

Chjan Sıdiń sýretteri ápsátte ǵalamtor betinde jarıalanyp úlgerdi. Sýretterden qyzdyń  tamaq qaldyqtarynyń janynda ál-quty qalmaı jatqanyn baıqaýǵa bolady. Ata-anasy qyzdarynyń jigitimen aralaspaýy úshin qoldarynan kelgeniniń bárin istep baqqan.

Qyzdyń jigitimen aıyrylysqany ata-ana úshin jetkiliksiz bolǵan sekildi. Olar qyzdy jertólege qamaýdy jón kóripti. 1 kúnge, tipti 1 aıǵa emes, baqandaı 6 jylǵa.

Aýyl turǵyndaryna qyzdyń ata-anasy qyzymyz psıhologıalyq ahýalǵa ushyrady, eshkimmen aralasa almaıdy dep syltaýratqan. Turǵyndardyń aıtýynsha, olar ata-anasyna senbegen, qyz birneshe márte jertóleden shyǵýǵa tyrysqanymen, erli-zaıyptylar ony qaıta qamap tastaıtyn. Adamdar bul árekettiń talaı kýási bolǵan, qyzdy qutqarýǵa tyrysqan. Alaıda, ata-anasy ózimizdiń jeke sharýamyz degendi alǵa tartyp, kórshilerine bóget keltirgen.

Aýyldyń ár turǵyny bul jaǵdaıdan habardar bolǵan. Alaıda, turǵyndardyń biri qalaı da kómektesýge bel baılaıdy. Ata-anasynyń ne oılaıtyny ony tolǵandyrmady, tek qyzdy sol qapastan alyp shyqqysy keldi. Qyzdyń jaǵdaıy ony alańdatty, sol sebepti polıseı qyzmetkerlerine onyń jaǵdaıyn kqrsetý úshin sýretke túsirip alady.

«Sol sátte Qytaıda Jańa jyl toılanyp jatqan. Eldiń bári abyr-sabyr bolyp merekeniń qyzýyna batqanda, men sol úıge tyǵylyp kirip, qyzdyń qandaı jaǵdaıda ekenin bildim. Beıshara qyz sabandardyń arasynda jatyr eken. Janynda shashylyp jatqan tamaqtyń qaldyqtary. Ata-anasynyń psıhologıasynda bir aýtyqý baryna senimdimin. Polıseı qyzmetkerleri bir shara qoldanar dep úmittenmin» deıdi 50 jastaǵy Choý Djen.