El táýelsizdiginiń shırek ǵasyrlyq mereıtoıy men han batyr, iri qolbasshy - Qarakereı Qabanbaıdyń 325 jyl tolýyna oraı Shyǵys Qazaqstan oblysy, Úrjar aýdanynyń ortalyq alańyna batyrǵa arnalǵan eskertkish turǵyzyldy.
Eskertkishtiń resmı ashylý saltanatyna Úrjar aýdanynyń ákimi, oblystyq jáne aýdandyq máslıhat depýtattary, aýdandyq ardagerler keńesi men zıaly qaýym ókilderi, Alyp shaHar Almatydan joba avtory, Almaty qalalyq máslıhattyń III, IV,V- shaqyrylymynyń depýtaty, Qazaqstan Respýblıkasy máslıhattarynyń qurmetti depýtaty, Almaty qalasy qoǵamdyq keńesi mádenı saıasat komısıasynyń tóraǵasy, qoǵam qaıratkeri, ıdeıa avtory – Shalabaev Qusman Kárimuly bastaǵan bir top delegasıa qatysty.
«Teńdesi joq erliktiń sımvolyndaı bul eskertkish elge kerek, keleshek urpaqqa kerek, qazaqtyń yntymaq-birligi úshin kerek. Bul eskertkish – halqymyzdyń qaharmandyǵy men birliginiń kýási. Jas urpaqty patrıotızmge baýlýda baǵa jetpes úlgi-ónege bolyp qalatyndyǵy sózsiz» , - dedi Úrjar aýdanynyń ákimi Serik Zaınýldın. Sonymen qatar, eskertkishtiń turǵyzylýyna muryndyq bolǵan, óz qarjysyna eskertkish ornatqan Qusman Kárimuly Shalabaevqa aýdan halqynyń atynan alǵys bildirdi.
Músinin jasaǵan Qazaqstan sýretshiler Odaǵynyń múshesi, elimizge tanymal músinshi Bolat Dalbasuly Qusaıynov. Batyr eskertkishiniń bıiktigi 10 metr, granıt tastan qashalyp jasalǵan. Osy atqarylǵan jumysy úshin músinshi Bolat Qusaıynov Úrjar aýdany máslıhatynyń sheshimimen Úrjar aýdanynyń Qurmetti azamaty ataǵyn aldy. Joba avtorlary batyrdyń beınesine erekshe nazar aýdarǵan. Óıtkeni shaıyrdyń beınesi ádettegideı attyń ústinde emes, qasqaıyp tik tur.
«Jer-jerde atpen turǵan batyrlardyń barlyǵy bir-birine uqsas, ajyrata almaımyz. Tek qana batyr degen aty ǵana. Tipti at pen batyrdyń beınesi bir – birine sáıkes kelmeıdi. Sondyqtan bizdiń eskertkishke bergen obrazymyz, sońǵy túıindegen oıymyz – bilektiń kúshi, naızanyń ushy. Osyndaı ásermen jasalǵan obrazdyq dúnıe bolyp shyqty» - dedi joba avtory Qusman Shalabaev.
Sonymen qatar, mereke barysynda Qazaq halqynyń uly qolbasshysy Qarakereı Qabanbaı batyrǵa arnalǵan ǵylymı – tanymdyq konferensıa ótti. Sáıkesinshe aýyl jurty men qonaqtaryna batyrdyń rýhyna arnalǵan as berildi. Aıta keteıik, bıyl Úrjar jurtshylyǵy Batyr babamyzdyń 325 jyldyǵyn dúrkiretip atap ótpekshi.
